漢城美食

營業中

休息中

前排同朋友去尖沙咀行街，咁岩想食韓國菜，朋友就帶咗我去呢間餐廳到食野，餐廳菜式選擇都幾多；餐廳都係韓國人主理，見到職員都係韓國人，喺香港都可以食到正宗嘅韓國料理；餐廳環境都好舒服同整潔，座位都幾寬敞，坐得好舒服，岩哂同朋友或者屋企人一齊食飯吹水。🥗前菜前菜都幾豐富，有三款可以選擇，分別係泡菜、芽菜、韮菜煎餅，個人特別推介泡菜同煎餅。🐮辣牛肉京蔥湯辣牛肉湯嘅辣度唔算好辣，食唔到辣嘅人都可以食到；入面嘅配料都好豐富，有京蔥、牛肉絲、菇、粉絲，而粉絲都好入味，好岩配埋飯一齊食。🐷韓式豬手（半份）👍豬手雖然得半份，但份量都好多，兩個人食岩岩好；豬手嘅味道令人有驚喜，炆得非常入味，味道好似中式嘅滷水豬手，仲要起曬骨，肉嫩外皮Q彈，如果怕油膩，可以配埋生菜一齊食。