上岸料理 (已結業)

昨日由早上八時半不停的做到凌晨四點半，身心疲憊極了。然而午餐相約了好友吃飯，但累到無乜胃口，所以選擇比較淸淡的曰本菜。這間曰本菜位於尖沙咀的棉登徑。店子不大起眼，找了好一會兒才找得到。雖然今天是週末，但仍然有午餐供應。這兒午餐定食嘅選擇都唔少，而且價錢都幾實惠，只是$88-$178。所有定食除了有主食外，還有茶碗蒸、前菜、沙律同飲品或甜品。前菜和沙律的味道一般，而茶碗蒸口感滑溜，唯味道比較淡口。四色丼$148這個四色丼賣相十分吸引！雖然只是索價$148， 但材料十足，有齊海膽、三文魚子、蔥吞拿魚腩、蟹肉，認真豐富！海膽大大片，味道唔係最濃郁，但入口creamy 又香甜；蔥吞拿魚腩口感香滑，魚味濃郁又帶蔥的香味；蟹肉是真的蟹肉，味道鮮甜，再混合入囗爆汁的三文魚籽同白飯，鮮味十足，正！銀雪魚西京燒$158這銀雪魚烤得焦香，魚肉入囗極為嫩滑，充滿魚油的脂香，加上西京燒的和風味道，甜甜地，再沾上酸酸地又香滑的沙律醬，十分好吃，真的好下飯！餐后來一杯柚子茶，甜甜蜜蜜的，充滿淡淡然的柚子味，正好幫助消化。整體而言是一家中上水準的曰本菜，加上餐廳裝修企理整潔，服務細心，價錢又唔貴，下次必定再訪。