影片
更多
2023-08-17
111 瀏覽
Ankoma 自從開業以嚟，我身邊去過既朋友都話好食，但我一直都未去過，最近約朋友食飯時諗起Ankoma，所以去試下先。Ankoma 係尖沙咀一間法日料理餐廳，晚市10道菜既Tasting Menu ($1480+10%/p.p.)，有10道菜。當晚既menu 🍽️ Zuwaigani 💫 首先就有兩款前菜，Zuwaigani 就係蟹肉撻，snow crab蟹肉加上炸昆布絲。個撻都幾鬆化脆身。🍽️ Unagi💫 第二款既前菜就係 Unagi，煙燻鰻魚喺面層，而中間就有 foie gras mousse，放喺多士上面，食落味道濃味，都唔錯。🍽️ Oyster💫 當晚既生蠔來自日本既厚岸生蠔，食落肥美，伴以覆盆莓醋以及醃蘿蔔。🍽️ Iwashi💫 沙甸魚切片以刺身形式上，都算肥美，伴以薑，底下有薯蓉、同埋山葵。🍽️ Shi-ma Ebi💫 昆布漬熟成醉蝦，落左三款酒，更能吊出蝦既鮮味，蝦身軟燸，伴以海葡萄、水雲以及質感脆身既天婦羅蝦頭。🍽️ Pasta💫 呢一碟就係 Ankôma 既招牌菜之一，天使麵，加入左白松露油，面層伴以 Royal Caviar Club魚子醬並以紫蘇花做點綴。天使麵烹煮後經冰
當晚既menu
🍽️ Zuwaigani
💫 首先就有兩款前菜，Zuwaigani 就係蟹肉撻，snow crab蟹肉加上炸昆布絲。個撻都幾鬆化脆身。
🍽️ Unagi
💫 第二款既前菜就係 Unagi，煙燻鰻魚喺面層，而中間就有 foie gras mousse，放喺多士上面，食落味道濃味，都唔錯。
🍽️ Oyster
💫 當晚既生蠔來自日本既厚岸生蠔，食落肥美，伴以覆盆莓醋以及醃蘿蔔。
🍽️ Iwashi
💫 沙甸魚切片以刺身形式上，都算肥美，伴以薑，底下有薯蓉、同埋山葵。
🍽️ Shi-ma Ebi
💫 昆布漬熟成醉蝦，落左三款酒，更能吊出蝦既鮮味，蝦身軟燸，伴以海葡萄、水雲以及質感脆身既天婦羅蝦頭。
🍽️ Pasta
💫 呢一碟就係 Ankôma 既招牌菜之一，天使麵，加入左白松露油，面層伴以 Royal Caviar Club魚子醬並以紫蘇花做點綴。天使麵烹煮後經冰鎮過先上枱，食落感覺清爽，魚子醬增添鹹鮮香氣。
🍽️ Lobster
💫 烤龍蝦尾，伴以關東煮蘿蔔，配上櫻花蝦南瓜醬，然後再加入幾滴辣油，食落確實帶點辣勁，龍蝦尾質感彈牙。
🍽️ Chicken (+340 for 2)
💫 主菜可以揀羊或者加$340揀雞，我同朋友決定揀左雞，因為都係餐廳招牌菜之一。烤本地三黃雞，雞皮薄脆，伴以北海道七星米三文魚籽飯，飯帶有雞油既淡淡香氣，雞就加上法國黃酒汁一齊食。
🍽️ Pistachio
💫 來到甜品環節，開心果麻糬撻，賣相精緻，旁邊伴以開心果雪糕，撻都算鬆化，開心果味道都幾香濃，麻糬增加煙韌質感。
🍽️ Seasonal Fruit
💫 當晚時令水果係嚟自日本既蜜瓜，咬落都帶甜而多汁。
食完呢餐飯之後我同朋友都覺得滿意，喺尖沙咀嚟講都係一個唔錯既選擇。
張貼
