泰友Feel

營業中

休息中

慶方中間food court位新開咗間泰國野，價錢60-70左右，暫時有肉碎飯、咖哩飯同生菜包。泰式香葉肉碎飯配燶邊蛋因為我唔食得辣，所以叫咗個最basic嘅泰式香葉肉碎飯(小小辣)配燶邊蛋加龍眼冰應該係即叫即整，所以落完單都等咗15-20分鐘左右先有野食。個份量對女仔黎講ok嘅，男仔黎講就可能偏少。個肉碎炒得好香好惹味，好好餸飯。(唔食得辣嘅要好小心夾走啲辣椒先好撈黎食)個燶邊蛋都唔係hea，個邊真係脆卜卜，撈埋肉碎同飯好正。但個飯食落有啲硬，可能配咖哩，濕濕地會好啲。個飯加15蚊有龍眼冰，我一心諗住係泰國餐廳咁一杯，但原來係沖好野一樽樽咁，小小失望。味道普普通通，同埋個樽高身好難先食到啲龍眼肉，要飲晒先慢慢撩到啲肉出黎。