Lady Nara

營業中

休息中

尖沙咀有間海景泰國菜，環境唔錯😎 小食：蝦片$15，一坐低就有，可以食住再慢慢睇餐牌睇吓叫咩食。先揀咗燒豬頸肉配青木瓜沙律$148。燒得香脆嘅豬頸肉同青木瓜沙律嘅爽口，絕對係一個完美嘅組合。呢款菜式嘅口感同味道都唔錯。泰式豬肉炒河粉$118。炒得香口嘅豬肉同滑嫩嘅河粉加入泰式香料，帶出獨特嘅風味。叫咗個菜，咸魚炒芥蘭$88。菜嘅份量唔算好多，有咸魚嘅鹹香。飲品揀咗清涼嘅椰青$60，好甜好好飲！餐廳環境唔錯，窗邊位仲望到海景，想食泰菜可以揀呢度。