影片
更多
2021-03-08
1060 瀏覽
西式三層架下午茶就食得多，咁泰式超豪華海鮮下午茶又試過未？😎 依間位於貴婦商場Elements 嘅泰菜餐廳，除左以木調打造型格帶東南亞風味嘅設計外，仲有落地大玻璃，有充足嘅自然光，配埋海景真係”泰過Chill”♥️🌊 今次依個下午茶主打海鮮，有6個菜式咁多，而且每樣夠哂睇頭，真係食完連夜晚個餐都可以唔洗食🤣-海鮮響宴🦀 (原價$688/1位，會員享買一送一優惠，最少兩位惠顧，*加一以原價計算)*辣椒膏原隻帶子🌶️: 帶子嘅size有返咁上下，而且幾厚肉~ 最重要係個醬汁夠惹味，帶微辣，加埋面層嘅炒洋蔥同紅青椒，係幾開胃嘅前菜~*原隻椰皇燉燕窩🥄: 湯水夠哂清晰，飲落會帶微微椰皇原有嘅甜味，仲會有一絲絲嘅燕窩，對於女士們夠哂滋潤💖*炭燒珍寶河蝦🦐: 超級推薦！見到蝦嘅表面燒得焦脆，有好明顯嘅炭烤香~ 蝦肉新鮮結實，蝦頭位置仲有唔少蝦膏，食落亦好鮮甜*砂煲粉絲焗花蟹🦀: 好夠獲氣嘅一道菜。粉絲吸收哂啲醬油，而且炒得亦好乾身，條條分明。蟹嘅份量幾足，餐廳亦好貼心準備哂工具，手套，濕紙巾比客人即場拆蟹用~*青檸辣椒明爐蒸銀鰽魚🐟: 原爐呈上保證食嘅時候仲保持到温度~ 魚肉夠鮮，肉質都算嫩滑。而底下
今次依個下午茶主打海鮮，有6個菜式咁多，而且每樣夠哂睇頭，真係食完連夜晚個餐都可以唔洗食🤣
-
海鮮響宴🦀 (原價$688/1位，會員享買一送一優惠，最少兩位惠顧，*加一以原價計算)
*
辣椒膏原隻帶子🌶️: 帶子嘅size有返咁上下，而且幾厚肉~ 最重要係個醬汁夠惹味，帶微辣，加埋面層嘅炒洋蔥同紅青椒，係幾開胃嘅前菜~
*
原隻椰皇燉燕窩🥄: 湯水夠哂清晰，飲落會帶微微椰皇原有嘅甜味，仲會有一絲絲嘅燕窩，對於女士們夠哂滋潤💖
*
炭燒珍寶河蝦🦐: 超級推薦！見到蝦嘅表面燒得焦脆，有好明顯嘅炭烤香~ 蝦肉新鮮結實，蝦頭位置仲有唔少蝦膏，食落亦好鮮甜
*
砂煲粉絲焗花蟹🦀: 好夠獲氣嘅一道菜。粉絲吸收哂啲醬油，而且炒得亦好乾身，條條分明。蟹嘅份量幾足，餐廳亦好貼心準備哂工具，手套，濕紙巾比客人即場拆蟹用~
*
青檸辣椒明爐蒸銀鰽魚🐟: 原爐呈上保證食嘅時候仲保持到温度~ 魚肉夠鮮，肉質都算嫩滑。而底下個湯汁幾有驚喜，夠酸之餘仲幾重香料味
*
甜品拼盤🍴: 竹籃嘅造型夠哂IGable🥰 入面有齊 椰汁西米糕，香芒糯米飯 & 泰式斑斕千層糕。好耐冇食過椰汁西米糕齊哂有粟米同芋頭粒🥺 味道同口感夠哂豐富~ 要讚下佢個芒果糯米飯，食嘅時候仲係熱嘅，而且夠哂軟糯同帶斑斕葉香。千層糕夠煙韌，最重要唔會過甜
*
Lychee Smash ($70) 🌿 冇酒精嘅mocktail，幾重薄荷味，加埋勁多荔枝果肉，夠哂fresh
*
Thai Sangria ($80) 估唔到加入泰式嘅twist 又幾特別🤩 比較Fruity ，芒果味最突出
張貼
