大一海鮮火鍋料理 (已結業)

當各式各樣既火鍋店開到成行成市，打邊爐已經成為不限時令既活動，今次我們同事三人來到重新開業的火鍋店，試試海鮮又優質的火鍋。只係睇金底毛筆字跡的招牌，清晰簡潔，餐廳由裝修到用具都突顯出高尚感，地方非常大，差不多近百幾個座位，VIP房也有4間，真是幾適合一大班朋友聚會。 而且舊舖也有不少城中名人來幫襯。海皇波士頓龍蝦鍋湯底食材豐富，包活青口、蜆、龍蝦等等，還有粟米，菇類。湯底非常甘香又鮮甜，龍蝦大大隻的，份量十足。涼拌花生芽加入木耳，適量蒜泥辣椒，口感爽脆又惹味開胃！時令刺身拼盤上台已經貴氣逼人，有牡丹蝦，北寄貝，南非鮑魚，魷魚，章魚，仲有多種魚類刺身，配以紫蘇葉，擺盤清雅又高級。每款刺身也是非常新鮮，爽口彈牙。豬牛羊拼盤火鍋肉類係必需的，豬牛羊拼盤就 適合不過，當中有本地安格斯牛肉，豚肉片同羊肉，每一款肉片都是薄切，所以只需幾秒就食得，非常嫩滑又有口感。除了九龍城以外，尖沙咀也是吃火鍋的聖地。但是價錢合理，食材優質裝修高雅的， 真的是寥寥可數。