蘇媽.蘇媽馬來西亞茶餐室 (已結業)

之前在荃灣都食過這一家蘇媽蘇媽馬來西亞特色茶室,經過尖沙咀加連威老道見到有另一家分店,便決定再試一下,尖沙咀店近門口更加設了 So bar, 不過由於我們到達時時間尚早所以bar 那邊沒什麼客人, 我們便直接進入裏面的茶餐室晚餐,和之前食過的荃灣分店一樣,餐廳以懷舊復古的裝飾為主,享受美食之餘亦十分適合打卡。食馬來西亞餐, 這店的招牌肉骨茶絕對是不可錯過的,我們點了豬腳彎肉骨茶,豬腳夠腍冇骨啖啖肉, 豬皮都十分Q彈,食落亦唔會覺得好肥膩, 而且份量十分多, 幾乎完全塞滿全個煲,比湯還要多, 好在店家提供免費添加熱湯, 我們當然也添加了, 十分美味。高佬麵配雞扒, menu 中的其中一項厨師推介, 除了大大塊無骨雞扒外, 配料有魚仔花生及一隻溫泉蛋及特製辣椒醬, 麵汁香濃十分惹味, 雞扒外皮金黃,切開肉質仍保持得不會太乾。椰香咖央多士, 另一款招牌必點美食,多士烘得香脆, 咖央醬椰香味濃, 十分令人回味的出色小食。馬來西亞拉茶, 拉茶絲滑香濃,甜度適中。椰汁斑蘭冰, 平時都喜歡食班蘭蛋糕, 所以點這款飲品試一下。椰汁和斑蘭香味配合得好夾。甜度亦適中, 非常可口美味。