新泰東南亞餐廳 (太子集團中心) (已結業)

同事介紹咗呢間新開泰菜, 原本麻麻地因為先入為主正泰菜可能出現於九龍城!! 但呢間係尖沙咀既新泰東南亞餐廳一試難忘, 地點又市中心易搵 - 無得輸。佢地個裝潢尤其牆身大大隻大象勁吸引, 我地叫左「泰式柚子蝦沙律」，「小拼盤」，「冬陰功」，「馬拉盞炒通菜」，甜品廚師推介「椰汁木薯」及「泰式千層糕」, 佢地好有心意一來先上「泰式柚子蝦沙律」,蝦好大隻感覺足料好抵食柚子令到個腸胃好舒服, 仲會等我地食好沙律開晒胃先上其他菜, 上菜又快同埋佢地D侍應泰姐姐相當醒目。個甜品 - 廚師推介「椰汁木薯」都係必食, 口感爽爽又唔漏, 一上枱陣陣椰汁香不得了!