JUST'er Bar & Restaurant

營業中

休息中

今日去佐敦搵朋友食飯，朋友介紹去呢一間餐廳，由經理嘅介紹，叫咗以下嘅菜式，意想不到的係，經理嘅介紹真係幾好食。熱洋甘菊檸檬茶我好鍾意呢個飲品，係自己煲出嚟嘅，好香嘅洋甘菊味道，再加上檸檬嘅味道同少少糖，咁就冇咁苦。我好鍾意呢杯暖飲，冬天非常之滋潤，我非常推薦。雞肉白汁扁意粉甜甜地，扁意粉煮得啱啱好爽口彈牙，而且浸滿咗甜甜地嘅芝士醬同白汁，雞肉亦切得適中，有口感，而且呢一個汁我好鍾意。紅酒牛面頰薯蓉 薯蓉好滑無渣，牛面頰夠腍又入味，呢一個配搭非常之好。秘製醬汁豬肋骨配薯條 少少辣，甜甜地，豬肋骨俾我哋平時食嘅長啲大啲，薯條夠熱夠脆。整體上我好滿意，而且份量十足真材實料。交通方面，附近就有地鐵站，非常之方便。服務方面，有禮貌又親切，而且經理會有講解。