OM Tapas (已結業)

自從去完西班牙返嚟後，每次行過棉登徑corner位都見到呢間西班牙餐廳都總想入去食，今次終於真係入去食飯喇。鋪面唔算大，但座位唔迫，四位可以選卡位座，我就偏好坐吧枱，可以睇廚師整嘢食同調cocktail。由於太口渴關係，先叫杯啤酒，西班牙啤配Barcelona杯。之後慢慢揀嘢食，menu喺枱上面張餐紙，有中文同英文。餐廳有個凍湯，我喺葡萄牙飲過差唔幾嘅凍湯，醒神開胃。小食叫咗個金槍魚韃靼配蕃茄清汁，手工幼細，魚味鮮甜再叫咗個慢煮章魚·墨汁薯泥，呢個重點竟然落咗喺個薯泥度，墨汁飯麵都食得多，墨汁薯泥就第一次食，好味又唔漏。最後甜品叫咗西班牙油炸鬼churro，炸出嚟好脆，個朱古力醬又無西班牙當地果d咁杰撻撻，適合香港人口味。坐吧枱見到個bartender沖cocktail好有心機，d garnish 都好細心咁放，呢杯signature sangria - OM 一定要試。 淨係sangria 都有好多款揀。總結：西班牙菜算做得幾好，餐廳環境亦適合慢慢食傾偈，睇得出d cocktail用心調，唔好學好咁笨飲啤酒，一定要試佢d cocktail。