彤粵菜小館 (已結業)

同男朋友夜晚兩個人撐枱腳，突然大家好想食下啲中式嘢，上網見到附近尖沙咀有間新開嘅粵菜小館，諗都冇諗就即刻嚟左。兩個人就叫咗三樣餸，生炒菜芯、鳳梨咕嚕肉同番薯安格斯牛柳粒。鳳梨咕嚕肉係我每次粵菜必食嘅菜式，鳳梨好新鮮超甜，而咕嚕肉炸到好香脆，再加上酸酸甜甜嘅味道特別開胃😍番薯安格斯牛柳粒係男朋友揀嘅，估唔到呢個安格斯牛柳粒牛味勁香，口感煙韌！再加上番薯嘅甜味令到牛肉味道帶點香甜，超好食。生炒菜芯都好清甜冇苦味，而且仲好新鮮，一啲都唔油膩！食飯一定要叫個小菜先夠營養均衡🤤