Amitie Kitchen (已搬遷) 新店位置

Amitie Kitchen位於尖沙咀亞士厘道，呢間西餐廳之前都有朋友推薦去食，而且尖沙咀係我同朋友既中間點，晚飯就去試下呢間！呢度裝修簡約，環境唔算好大，但坐位都幾舒服我地叫左精選晚市套餐另外再叫左法式焗田螺同埋低溫烹調法國有機雞腿一Set共有三款迷你餐包及脆餅，包括牛角包、香草包同埋竹炭脆餅，餐包暖烘烘送上，麵包夠哂鬆軟！先黎既係晚市set dinner的跟餐沙律: 燒紅菜頭菲達芝士合桃沙律伴黑醋汁燒香左既紅菜頭味道微微帶酸，另外配以黑醋汁食落十分開胃！加埋菲達芝士同埋合桃一齊食富有口感！是日餐湯係栗子忌廉湯，面頭有灑上煙肉碎，帶有微微鹹香，栗子味夠哂濃郁，好Creamy法式焗田螺加咗蒜蓉青醬去焗，非常之香口惹味，底下嘅薯蓉好軟滑同好香牛油味！而芝士BBQ醬燒美國豬仔骨賣相好吸引！有一大塊芝士在面！Ribs肉夠厚身，肉質脂肪比例均勻，食落唔鞋口亦唔會太油膩低溫烹調法國有機雞腿，雞腿以低溫慢煮，肉質夠滑之餘亦好鮮嫩，食落一啲都唔鞋！另外有香煎意大利煙肉配慢燴時蔬，煙肉夠厚身，脂肪比例均勻，滿口脂香，配以黑松露牛肉汁一齊食，非常美味