MONMONO (已結業)

同男朋友🐖拍完拖佢帶我黎呢間餐廳食~我地叫左兩個lunch set，食完想再食呀🎉🥳前菜：刁草檸香醃三文魚，三文魚夠薄，經過刁草同檸檬醃製，食落唔膩，口味夠清新😻主菜：西京燒比目魚 伴 凉拌秋葵魚肉鮮嫩多汁，肉質夠實淨，調味唔算太濃唔會搶過魚嘅鮮味，秋葵有處理過，食落唔覺得潺，好食👏。主菜：德國黑啤慢煮走地三黃雞雞經過慢煮，肉質好嫩滑，黑啤嘅味道亦完全滲入雞肉入面，人間美味，必食👍👍👍！追加小食：泰式冬蔭功煮活蜆蜆吐沙吐得好乾淨，冬陰功辣度適中，相信唔食得辣嘅朋友食佢都冇問題，飲到最尾一粒沙都見唔到，非常好😍！呢間餐廳好有氣氛，好啱拍拖過嚟食飯，大推❤️