牛魔 (已結業)

好少餐廳有壁畫，路過被吸引望到有一幅著和服嘅女孩壁畫。店內以燒烤為主。餐廳有幾款套餐選擇，我同老公揀左。牛魔五周年set(入面食物都有二選一)先黎揚櫻花蝦豆腐裝飾豆腐的木魚絲，放得滿滿好有動感。入口食到櫻花蝦嘅鮮，豆腐外面炸得鬆軟內裡滑溜，口感層次分明，醬汁更能帶出木魚同櫻花蝦嘅鮮味。野菜組合粟米、紫薯、翠肉瓜、南瓜。幾款瓜菜都好新鮮，瓜菜口感清爽，燒烤必食。蘋果木煙燻松露和牛他他打開樽蓋飄浮着的煙燻好有儀式感，和牛加入左松露同芝麻。將蘋果絲同蛋黃拌勻，入口嘅和牛他他肉質更滑，味道帶出一點點松露和蘋果嘅清香。美國和牛封門柳廚師將封門柳整件送上，肉質好新鮮，除了放上蒜蓉，更有紫蘇花點綴，望落去好靚。將封門柳剪開一片片煎香，入口肉質鬆軟，佢脂肪唔多，肉味亦較濃郁。澳洲M5/M6和牛牛板腱薄片的牛板腱油花分佈均勻，煎一煎，將蒜蓉同檸檬汁一齊食，味道更香、口感嫩滑。香蔥薄切牛舌牛舌切成薄片，食落質感有彈性冇臊味，捲埋香葱沾醬油，味道更香。黑松露肉碎炒飯（雞肉）黑松露味道唔會太強烈，太搶味，雞肉嫩滑炒飯乾爽，拌葱粒芝麻食落更香。柑橘梳打特飲鳳梨梳打特飲兩款梳打有氣特飲，也沒有過甜，天氣熱飲落更涼