影片
更多
2023-08-15
12 瀏覽
重慶大廈旁邊地庫新商場Heath慶方，之前都來過幾次搵食，今次就來到最近出入口的日本餐廳《臻一鮨》試下日本菜。餐廳面積都幾大，裝修雅致，座位闊落舒服。入座後每枱都有一壼清茶。食物款式都幾多選擇，除咗主menu，仲有季節期間限定菜單❇️三文魚芒果卷 $88▶️呢款就係夏季限定款式。每件壽司都大大件，外層係厚切三文魚，飯入面包住芒果粒，加埋最外層的沙律醬及蟹籽，整體味道都幾夾，但如果沙律醬少返d會更好。❇️芝士咸蛋棒 $48▶️呢款小食都幾特別，入面主要有芋蓉，中間有少少咸蛋加芝士而成，芋蓉份量剛剛好唔會太膩口感又唔會好實，好香口❇️日式炸雞塊配蛋黃醬 $58▶️外皮唔會好厚粉，入面肉質都幾嫩滑，亦唔會炸得太油，而且都幾大件❇️自家製海膽冷麵 $108▶️麵底並唔係平時食開的冷麵，似係蒟蒻麵，食落比一般冷麵清新，口感亦彈牙。配合海膽及三文魚籽，增加了鮮味，加埋蟹籽胡麻醬一齊食，更加醒胃。❇️熱食套餐~蒜香和風牛肉丼 $98，另加$38 刺身三點 (三文魚兩切、油甘魚一切及赤蝦一隻)，再加$18配熱即磨咖啡▶️刺身三點：幾款刺身都好鮮甜新鮮▶️蒜香和風牛肉丼：薄切牛肉上面舖咗炸蒜粒提升了口感及香味整體來講，餐廳食
餐廳面積都幾大，裝修雅致，座位闊落舒服。
入座後每枱都有一壼清茶。
食物款式都幾多選擇，除咗主menu，仲有季節期間限定菜單❇️三文魚芒果卷 $88
▶️呢款就係夏季限定款式。每件壽司都大大件，外層係厚切三文魚，飯入面包住芒果粒，加埋最外層的沙律醬及蟹籽，整體味道都幾夾，但如果沙律醬少返d會更好。
❇️芝士咸蛋棒 $48▶️呢款小食都幾特別，入面主要有芋蓉，中間有少少咸蛋加芝士而成，芋蓉份量剛剛好唔會太膩口感又唔會好實，好香口
❇️日式炸雞塊配蛋黃醬 $58▶️外皮唔會好厚粉，入面肉質都幾嫩滑，亦唔會炸得太油，而且都幾大件
❇️自家製海膽冷麵 $108▶️麵底並唔係平時食開的冷麵，似係蒟蒻麵，食落比一般冷麵清新，口感亦彈牙。配合海膽及三文魚籽，增加了鮮味，加埋蟹籽胡麻醬一齊食，更加醒胃。
❇️熱食套餐~蒜香和風牛肉丼 $98，另加$38 刺身三點 (三文魚兩切、油甘魚一切及赤蝦一隻)，再加$18配熱即磨咖啡▶️刺身三點：幾款刺身都好鮮甜新鮮
▶️蒜香和風牛肉丼：薄切牛肉上面舖咗炸蒜粒提升了口感及香味
整體來講，餐廳食物質素唔錯，環境舒服，價錢合理，服務有禮。
張貼
