影片
更多
2024-11-11
0 瀏覽
咁啱喺附近經過，見到好評如潮，所以就入嚟試吓睇吓質素如何。餐廳嘅裝橫有種復古英倫風，我都幾鍾意，而啲嘢食嘅擺盤都幾靚，兩個人嚟講除返開每人三、四百，都算係咁。‣ Dinner Set for Two $658· 是日餐湯今日嘅係雜菜湯，相當之香嘅蕃茄味。幾鍾意湯嘅濃稠度，夾埋麵包一齊食啱啱好。· 鵝肝薯仔千層‼️超級推薦‼️鵝肝口感相當細膩香口，薯仔外脆內軟，搭配一齊食真係冇得彈，啱啱好可以平衡到鵝肝嘅油潤。而且鵝肝都相當厚同埋大塊，俾得好爽手，面頭嘅sour cream都令到整體感覺冇咁油膩。· 燒牛肉他他配牛油果半個牛油果放喺面都幾過癮，而且令到個口感多咗一份綿滑，平時唔特別鍾意食牛油果嘅，都覺得咁樣嘅配搭幾正。醬汁就以莎莎醬為基調整成嘅乳酪醬，輕輕燒過嘅牛肉有微微嘅焦香，搭配多士一齊食啱啱好。· 特濃卡邦尼扁意粉醬汁濃稠滑順，果然係特濃。每一啖都食到蛋嘅香味，而且食落口嘅時候感覺蛋黃有啲沙沙嘅口感，有啲似鹹蛋黃，但係又唔會好似鹹蛋咁鹹。意粉口感煙韌得嚟又有咬口，煮得幾唔錯。面頭嘅芝士令到成碟意粉更加香，值得一試。· 燒牛柳配大蝦見到個個都食叉燒，就諗住食個牛柳睇吓感覺點。牛柳煎得都幾
‣ Dinner Set for Two $658
· 是日餐湯
今日嘅係雜菜湯，相當之香嘅蕃茄味。幾鍾意湯嘅濃稠度，夾埋麵包一齊食啱啱好。
· 鵝肝薯仔千層
‼️超級推薦‼️鵝肝口感相當細膩香口，薯仔外脆內軟，搭配一齊食真係冇得彈，啱啱好可以平衡到鵝肝嘅油潤。而且鵝肝都相當厚同埋大塊，俾得好爽手，面頭嘅sour cream都令到整體感覺冇咁油膩。
· 燒牛肉他他配牛油果
半個牛油果放喺面都幾過癮，而且令到個口感多咗一份綿滑，平時唔特別鍾意食牛油果嘅，都覺得咁樣嘅配搭幾正。醬汁就以莎莎醬為基調整成嘅乳酪醬，輕輕燒過嘅牛肉有微微嘅焦香，搭配多士一齊食啱啱好。
· 特濃卡邦尼扁意粉
醬汁濃稠滑順，果然係特濃。每一啖都食到蛋嘅香味，而且食落口嘅時候感覺蛋黃有啲沙沙嘅口感，有啲似鹹蛋黃，但係又唔會好似鹹蛋咁鹹。意粉口感煙韌得嚟又有咬口，煮得幾唔錯。面頭嘅芝士令到成碟意粉更加香，值得一試。
· 燒牛柳配大蝦
見到個個都食叉燒，就諗住食個牛柳睇吓感覺點。牛柳煎得都幾香，虎蝦肉亦都相當彈牙爽口，而我自己都幾鍾意佢嘅薯蓉，相當之重奶香味，果然大家都掌握到薯蓉綿密口感嘅秘訣。
· Peach Oolong
白桃烏龍係清新之選，飲落輕盈爽口。不過見到熱嘅花茶用具係幾靚，下次可以試吓飲熱嘅。
· Berry Run Berry ＋$38
用提子乾烏龍做基調都幾特別，不過飲落就真係好重莓同埋乳酪嘅味道，自己都幾鍾意呢一款酸酸甜甜嘅mocktail。
張貼
