The Wall Street Bar & Lounge

營業中

休息中

今日中午喺尖沙咀揾食，上了一間樓上酒吧餐廳，環境氣氛好正，除了一般酒吧會有的大酒櫃之外，大而透光的玻璃窗，盡顯了樓上餐廳可望街景的優勢。燈光偏暗，令到帶有金色元素的吊燈和酒櫃更加耀眼。座位方面，有吧台位、餐桌位和打卡必坐的長梳化位，梳化背後的書櫃和旁邊的擺設，都充滿了復古風，打卡一流！午餐配餐湯，咖啡 果汁或花茶，我點了巨型魚柳漢堡(他他醬)$78，魚柳超大塊，打卡超過10分鐘咬落仍然卜卜脆，薯條都非常多，普通餐湯加$38轉了龍蝦湯，味道好濃，超好味！漢堡套餐仲可轉天然素肉，啱曬素食者👍朋友點了燒牛肉全日早餐$158，配雜菜湯，酸酸地，好開胃。餐包括有肉、有菜，蔬果麵包（燒牛肉 沙律菜 麵包 牛油果 炒蛋 煙肉雜菇 蕃茄莎莎 豬肉腸），份量豐富，而且味道唔錯。飲品跟餐配了咖啡和花茶，咖啡味道正常，花茶甜甜地，幾好味。午餐幾抵食，環境舒適，服務都很好，無論打卡或係醫肚仔，都係一個很好的選擇。