影片
更多
2024-08-17
90 瀏覽
向尖沙咀嗰頭諗食乜之際，見呢間餐廳樓下嘅Dinner Set Menu都幾多選擇，仲有湯有飲品就上咗去，不過朋友唔多餓，同主要想飲嘢吹水，索性散叫算。德國香脆身咸豬手配酸椰菜及烚薯（$288)睇落唔多，但實際上又幾大份，豬手皮幾脆，啲肉切埋粒上幾好。酸椰菜唔會太酸，烚薯易入口，唔會太硬/淋。他他汁炸蘑菇 ($135)炸衣酥脆，內裡嘅蘑菇juicy，加埋他他醬，做下酒菜唔錯。Pina Colada ($90)Rum、菠蘿同椰味mix埋整體感覺溫和，唔會太甜。HK Yau（$85)呢個本地手工啤一向係質素保證，冇得輸。話說呢度$259 起就有啤酒、雞尾酒 Free Flow(*無限任飲生啤、紅酒、白酒等超過 14 款酒精飲品），不過自己同友人都唔多飲得所以冇用優惠。另外返去睇返先知，原來through Openrice訂位，嗌夠$450 就可以半價嗌一份德國鹹豬手或雜錦腸拼盤（只限堂食同唔可以用其他優惠一齊用），適合多人聚會用。
向尖沙咀嗰頭諗食乜之際，見呢間餐廳樓下嘅Dinner Set Menu都幾多選擇，仲有湯有飲品就上咗去，不過朋友唔多餓，同主要想飲嘢吹水，索性散叫算。
德國香脆身咸豬手配酸椰菜及烚薯（$288)
睇落唔多，但實際上又幾大份，豬手皮幾脆，啲肉切埋粒上幾好。酸椰菜唔會太酸，烚薯易入口，唔會太硬/淋。
他他汁炸蘑菇 ($135)
炸衣酥脆，內裡嘅蘑菇juicy，加埋他他醬，做下酒菜唔錯。
Pina Colada ($90)
Rum、菠蘿同椰味mix埋整體感覺溫和，唔會太甜。
HK Yau（$85)
呢個本地手工啤一向係質素保證，冇得輸。
話說呢度$259 起就有啤酒、雞尾酒 Free Flow(*無限任飲生啤、紅酒、白酒等超過 14 款酒精飲品），不過自己同友人都唔多飲得所以冇用優惠。
另外返去睇返先知，原來through Openrice訂位，嗌夠$450 就可以半價嗌一份德國鹹豬手或雜錦腸拼盤（只限堂食同唔可以用其他優惠一齊用），適合多人聚會用。
張貼
