影片
更多
2022-09-08
22 瀏覽
嚟到尖沙咀唔知食咩好，附近好似開咗個新嘅food court，入邊有好多選擇，今朝就試咗泰國嘢！同其他地方唔同嘅喺呢度會有是侍應落單拎嘢，水嘅話都可以自己拎，其實同一般餐廳冇咩唔同，不過有好幾間餐廳嘅嘢食可以選擇。🍴 肉碎生菜包(配蒜蓉包）$68 (6/10)生菜同肉碎份量都好多！肉碎有用紫洋蔥，椰菜絲，泰式香葉去炒，炒得比較濕，食落鹹鹹哋未去到好香口，包住生菜食感覺好健康！蒜蓉包好香蒜蓉味，麵包香脆唔會太乾身。🍴 泰式炒金邊粉 $75 (7/10)好大碟，兩個人share都得，金邊粉有四隻大蝦，花生碎，辣椒粉，朋友唔食芽菜所以走咗芽菜🤣炒得比較濕，酸酸甜甜，金邊粉比較黏口煙韌，都幾開胃！🍴 串燒cornbo 三串 $48 (7/10)分別係豬牛雞，配咗個花生碎醬，食落甜甜哋嘅。三個肉質口感都差唔多，比較紮實燒得比較乾身，比較偏甜口。🍴 芒果糯米飯 $58 (7/10)有兩舊糯米飯，半舊芒果。糯米飯偏硬同乾身，椰汁偏甜，芒果都香甜比較硬身，呢個價錢都ok!推薦指數: 7/10價錢真係算比較親民貼地，夜晚都可以幾十蚊一碟，食到泰國嘢覺得都幾抵食，都係泰國嘅廚師去煮，不過味道就比較偏甜同炒
🍴 肉碎生菜包(配蒜蓉包）$68 (6/10)
生菜同肉碎份量都好多！肉碎有用紫洋蔥，椰菜絲，泰式香葉去炒，炒得比較濕，食落鹹鹹哋未去到好香口，包住生菜食感覺好健康！蒜蓉包好香蒜蓉味，麵包香脆唔會太乾身。
🍴 泰式炒金邊粉 $75 (7/10)
好大碟，兩個人share都得，金邊粉有四隻大蝦，花生碎，辣椒粉，朋友唔食芽菜所以走咗芽菜🤣炒得比較濕，酸酸甜甜，金邊粉比較黏口煙韌，都幾開胃！
🍴 串燒cornbo 三串 $48 (7/10)
分別係豬牛雞，配咗個花生碎醬，食落甜甜哋嘅。三個肉質口感都差唔多，比較紮實燒得比較乾身，比較偏甜口。
🍴 芒果糯米飯 $58 (7/10)
有兩舊糯米飯，半舊芒果。糯米飯偏硬同乾身，椰汁偏甜，芒果都香甜比較硬身，呢個價錢都ok!
推薦指數: 7/10
價錢真係算比較親民貼地，夜晚都可以幾十蚊一碟，食到泰國嘢覺得都幾抵食，都係泰國嘅廚師去煮，不過味道就比較偏甜同炒嘢濕啲，同平時食到酸辣嗰種好唔同。尖沙咀呢個價錢呢個質素絕對可以接受！
張貼
