黑木亭居酒屋 (金馬倫道)

尖沙咀質素不錯的日本菜同閨蜜冇見一排，終於可以再見喇。。。今次去左食大家都好鍾意嘅日本菜～開心開心!黑木亭居酒屋（尖沙咀店）日系的裝潢，加上等色佈置，打卡一流呀！難怪咁受歡迎啦～ 好彩嗰日我地算早入座，6.30pm已經去到所以唔洗等位，再遲少少就要等位了~我地點左4款食物和2杯飲品，賣相精緻而且份量十足~和牛海膽芝士牛角包好有特色～ 我都係第一次食呢個組合，牛角包夾住海膽，好香甜，仲有大大片嘅和牛夾係中間，肉質香嫩幼滑～牛魔王可以點埋石燒厚切和牛配蔥鹽醬及蘿蔔酸汁，石燒和牛入口特別香，7乘熟啱啱好，肉質鬆軟～ 配埋佢地嘅醬汁大大提升口感～珍寶燒蠔（黑松露牛油野菌味）竟然有買一送一，兩隻大大隻加埋都只係78蚊，加入左黑松露牛油野菌一齊燒，十分惹味~炸蔥吞拿魚蓉鮟康魚肝卷也非常有睇頭，吞拿魚蓉入口即溶，好想多吃幾件~仲有美味又可愛嘅飲品，上面隻熊仔好得意呀！閨蜜點左紅火龍佛手柑熊茶，是水果茶香，而我就飲綠茶鮮奶熊脆脆，綠茶味好香濃，加入鮮奶特別順滑～食得好暢快的一餐~