白色雪花之公主 (已結業)

難得一日既假期，當然要同另一半出去行街。天氣熱辣辣，行到成身汗就開始搵地方坐低身下嘢，降下溫降溫最好梗係食冰啦於是上網去搵下附近有咩地方有冰食，就搵到呢位“公主”睇餐牌時先發現，呢到既甜品材料都係韓國運過黎完全表現出餐廳誠意當然一黎梗係唔止食冰啦呢個店員推介既香炸魚餅麵，未上菜之前，會以為係炸到脆卜卜，細細份，純粹夠香口。原來係淋淋地，炸完仲食到魚餅既味，份量超足仲要食極都食唔哂咁款嗜辣既我，一見到餐牌有呢個“辣味芝士年糕”就即叫忌廉汁夠哂香濃仲帶有少少芝士味，年糕煙韌好有咬口，而配料亦都足料，煙肉冬菇用牛油炒過，所以食落有少少牛油味但係，反而唔係好覺得有辣味，同埋會有啲“漏”。建議3個人以上先好點呢道菜藍莓雪花冰係暫時出面未見過，咁當然要試一試先啦大大粒藍莓完全變成一種象徵，牛奶冰底夠哂幼滑香濃，完全唔洗加煉奶都夠哂濃。唔會吝嗇既藍莓果醬，連係內側都仲有一層醬，唔會食到中間就得番啲雪花冰一個甜品當然唔夠食啦再叫多個招牌既芝麻白雪蛋糕唔單單外層蛋糕有芝麻既香味，連入面既忌廉都有用到芝麻，再加埋滑溜既牛奶凍，令人食落唔會覺得單調