影片
更多
2022-02-27
56 瀏覽
💎總評分：9.5/10-一向鐘意旅行嘅小編因為疫情關係已經好耐無飛過，早幾日發現韓國過江龍Terrance in Seaside喺Harbour City同屯門開左分店✈️，諗反起之前喺韓國食過，即刻去食一食回憶下先。雖然香港分店無海景🌊(韓國嗰間真係喺海邊嫁🙈)，店內裝修都幾舒服，以木系暖光為主，主打選用嚟自濟州嘅柑橘🍊，所以門口已經掛左D柑橘裝飾，其他signature包括水果忌廉三文治、tiramisu，賣相好啱打卡📸。1️⃣ 泡菜燉五花肉蛋包飯 $158蛋包飯同泡菜放滿成隻碟🤤，份量比想像中多，賣相澎湃令人食慾大增。食蛋包飯嘅精髓係𠝹開隻蛋嗰一刻望住D蛋漿流出🌋，飯底唔係一般白飯，係有蔬菜同肉粒嘅炒飯，十分入味。當諗緊D五花肉喺邊時候，原來係俾D泡菜包住左👀！燉好嘅五花肉入口即溶，夾埋D泡菜食更加惹味😋，伴隨嘅仲有青瓜伴辣涼菜🥒，酸辣爽口越食越開胃💯。 2️⃣ 無骨炸雞 (半份) $108好貼心地提供「有骨」同「無骨」選擇，貪方便今次就揀左無骨炸雞🐣。多種口味入面小編要左蜂蜜牛油口味🍯，嚟到時仲冒煙，成功做到脆身口感，最滿意嘅係佢D蜂蜜甜度適中，伴隨少量薯條同幾嚿年糕，賣相靚D又唔會得炸
-
一向鐘意旅行嘅小編因為疫情關係已經好耐無飛過，早幾日發現韓國過江龍Terrance in Seaside喺Harbour City同屯門開左分店✈️，諗反起之前喺韓國食過，即刻去食一食回憶下先。雖然香港分店無海景🌊(韓國嗰間真係喺海邊嫁🙈)，店內裝修都幾舒服，以木系暖光為主，主打選用嚟自濟州嘅柑橘🍊，所以門口已經掛左D柑橘裝飾，其他signature包括水果忌廉三文治、tiramisu，賣相好啱打卡📸。
1️⃣ 泡菜燉五花肉蛋包飯 $158
蛋包飯同泡菜放滿成隻碟🤤，份量比想像中多，賣相澎湃令人食慾大增。食蛋包飯嘅精髓係𠝹開隻蛋嗰一刻望住D蛋漿流出🌋，飯底唔係一般白飯，係有蔬菜同肉粒嘅炒飯，十分入味。當諗緊D五花肉喺邊時候，原來係俾D泡菜包住左👀！燉好嘅五花肉入口即溶，夾埋D泡菜食更加惹味😋，伴隨嘅仲有青瓜伴辣涼菜🥒，酸辣爽口越食越開胃💯。
泡菜燉五花肉蛋包飯
$158
9 瀏覽
0 讚好
0 留言
泡菜燉五花肉蛋包飯
$158
4 瀏覽
0 讚好
0 留言
泡菜燉五花肉蛋包飯
$158
5 瀏覽
0 讚好
0 留言
2️⃣ 無骨炸雞 (半份) $108
好貼心地提供「有骨」同「無骨」選擇，貪方便今次就揀左無骨炸雞🐣。多種口味入面小編要左蜂蜜牛油口味🍯，嚟到時仲冒煙，成功做到脆身口感，最滿意嘅係佢D蜂蜜甜度適中，伴隨少量薯條同幾嚿年糕，賣相靚D又唔會得炸雞咁dry👍🏻，兩人share嘅話半份已經好足夠。
無骨炸雞 (半份)
$108
8 瀏覽
0 讚好
0 留言
3️⃣ 濟州柑橘特飲 (主食+$25)
入到餐廳已經留意到好多人叫左呢杯飲品，賣相好特別，成個柑橘喺個杯度🍊。原來係將柑橘入面嘅果肉窄成果汁再調製特飲，飲落似奶昔，選用濟州盛產嘅柑橘特別甜😍，原價$68以家跟餐+$25就飲到，難怪個個都揀佢。
4️⃣ 柑橘湯力咖啡 (主食+$25)
另一杯以柑橘做元素嘅signature配搭非常創新，以咖啡為base注入新元素☕，除咗有咖啡嘅味道，仲有柑橘嘅果肉同湯力既冰涼感🧊，味道特別，鐘唔鐘意就見仁見智啦~
餐廳暫時唔提供訂座服務，平日大多數唔洗等位。總括嚟講，餐廳裝修舒服放鬆，食物質素令人滿意👌🏻，賣相吸引之餘又好食，而且價錢合理，性價比高❣️。店舖現時仲有參加商場嘅優惠券推廣，用埋優惠券後就直情係底到爛🤑。
-
環境服務：⭐⭐⭐⭐
食物質數：⭐⭐⭐⭐⭐
打卡指數：⭐⭐⭐
題外話/補充資料：
🚗 商場泊車優惠好抵，詳情可以睇反官網，不過peak hours成日都泊滿。
(以上食評乃用戶個人意見 , 並不代表OpenRice之觀點。)
張貼
