世華餐廳

營業中

休息中

喺尖沙咀食嘢都算幾貴，不過呢間餐廳喺樓上，屬於茶餐廳類型，基本上中西式東南亞菜式都有，雖然整體味道唔算話非常突出，但係今次叫嘅有啲菜式都幾好食，而且價錢唔算貴(尖沙咀嚟計)，可以推介一下！首先推介係佢嘅西湖牛肉羹，非常足料！豆腐同埋牛肉份量都好多，食嘅時候加少少胡椒粉更加可以帶出牛肉嘅香味，而且成個羹係非常滑口，唯一有少少不足嘅係佢嘅牛肉係用切片方式而唔係用免治牛肉，口感上同以前食開嘅有啲唔同...另一個推介嘅就係印度薄餅同埋咖哩牛腩，一來咖哩味非常濃同香，牛肉炆得好林好入味，佢嘅薄餅又香又煙韌，配咖哩汁係好夾，估唔到一間茶餐廳做印度嘢都做得咁好食！今次食完絕對有下次！