居酒屋·姫 (已結業)

之前聽過朋友仔講天文臺道有間居酒屋幾好食，今晚同另一個朋友去試吓先，入到去裝修十足，日本居酒屋感覺非常之唔錯！推介佢哋嘅梅酒，入面有原粒梅子啲酒好甜好好飲✨入去坐低職員好熱情斟茶俾我哋，佢哋仲會介紹今晚有咩新鮮海鮮。北寄貝唔錯😋一於試吓先，都幾大隻師傅預先幫我哋切開，好鮮甜。仲食咗時令秋刀魚，師傅切得好靚，仲加咗啲食用花，成個感覺提升。而家係食秋刀魚嘅季節點少少酸汁已經好好味。鱈魚白子第一次食，朋友仔話好大件好正，口感棉密香濃鮮味！松葉蟹肉釜飯價錢唔貴，超好食。一打開木蓋見到好多蟹肉、蔥花，一睇就知價錢合理！飯好香吸收晒蟹肉精華，已經唔需要任何調味已經超好食！月見免治雞肉棒好大件配埋呢隻靚蛋😋成件食晒！牛舌都唔錯，最緊要厚，又唔會韌✨