影片
更多
2018-10-27
37 瀏覽
上次係cwb食過雲長小龍炊之後,一試難望! 諗住等凍d再去食多次。 不過上星期有朋友仔話比我聽,原來佢地係尖沙咀開左間分店,所以上星期我地決定去呢間新分店再回味過!食川菜火窩就一定要食麻辣,上次試過呢度既麻辣窩,好正! 又濃又香既辣味,聞到即刻流晒口水! 不想朋友仔唔食得好辣,所以叫左邊番茄湯底,湯底係好濃好香既茄味,鴛鴦鍋,正啊! 不過今次實在太肚餓啦，所以叫左幾樣小食先醫下肚！首先黎過尖椒皮蛋，本身我就勁鐘意食皮蛋，配埋辣辣地既尖椒真係無得頂啊！個汁酸酸地，又辣辣地，作為打邊爐前既小食真係無得彈！再黎就當然叫左必食既 即叫即炸紫菜脆響玲啦！個皮炸到扑扑脆，裡面夾住好爽口既紫菜，舔甜酸醬食，真係好好味㗎！食多條果陣又可以放落個辣鍋果面食，又辣又過隱香口野真係會越食越上癮，朋友仔忍唔住叫多左個新野，叫鬼馬墨魚脆，想睇下有幾鬼馬喎！哈～～點知又真係幾得意喎！原來係用油炸鬼包住D墨魚滑一齊炸，雖然好邪惡，但真係非常好食，有油炸鬼既脆口，又有墨魚既彈牙，唔錯！食完D咁正既炸野同小食，終於到戲肉，急不及待去淥淥淥啦！第一樣我必定食黃喉! 黃喉片得好薄,好爽口好脆, 雖則本身味唔算重,但係配上麻
食川菜火窩就一定要食麻辣,上次試過呢度既麻辣窩,好正! 又濃又香既辣味,聞到即刻流晒口水! 不想朋友仔唔食得好辣,所以叫左邊番茄湯底,湯底係好濃好香既茄味,鴛鴦鍋,正啊!
不過今次實在太肚餓啦，所以叫左幾樣小食先醫下肚！
首先黎過尖椒皮蛋，本身我就勁鐘意食皮蛋，配埋辣辣地既尖椒真係無得頂啊！個汁酸酸地，又辣辣地，作為打邊爐前既小食真係無得彈！
再黎就當然叫左必食既 即叫即炸紫菜脆響玲啦！個皮炸到扑扑脆，裡面夾住好爽口既紫菜，舔甜酸醬食，真係好好味㗎！食多條果陣又可以放落個辣鍋果面食，又辣又過隱
香口野真係會越食越上癮，朋友仔忍唔住叫多左個新野，叫鬼馬墨魚脆，想睇下有幾鬼馬喎！哈～～點知又真係幾得意喎！原來係用油炸鬼包住D墨魚滑一齊炸，雖然好邪惡，但真係非常好食，有油炸鬼既脆口，又有墨魚既彈牙，唔錯！
食完D咁正既炸野同小食，終於到戲肉，急不及待去淥淥淥啦！第一樣我必定食黃喉!
黃喉片得好薄,好爽口好脆, 雖則本身味唔算重,但係配上麻辣湯底,果種香辣感無得彈啊!
另外火鍋又點可以無肥牛呢? 我地叫左雪花牛立花，細細粒好的式，但係有好重既牛味，而且食落比薄切肥牛片更加有口感！牛靚又真係唔同D既，無論淥落番茄或者紅油湯底都得，正所謂茄牛好香濃，麻辣牛好野味！爽啊！!
食過牛牛，又點可以少得鴨血，呢個真係食麻辣窩必叫既，雲長既鴨血好大塊，但係好結實，點淥都唔會散既，食起上來吸收晒紅油既辣香，但仲係好爽口彈牙，好好味啊！
之後仲有手打四寶丸，望落粒粒一樣SIZE，手打都可以打得咁精細，唔錯！四寶丸有牛丸／墨魚丸／蝦丸／鯪魚丸，粒粒都好新鮮彈牙，幾好味！不過咁多樣丸當中，始終都係牛丸最好食，彈牙又香，配番茄濃湯最MATCH！
食左咁多肉，最後配埋個香辣紅薯粉，個粉吸收晒成個湯底既精華，真係條條都辣到不得之了，食到滴汗，但又就係想咁食法先過隱㗎！（雖則第日去TOILET一定好精彩，但咁好食就一於好少理，食左先講）！
食到飽飽，估唔到呢度仲好貼心咁送上每人一杯沙冰，比我地解辣！不過最特別既係個杯，因為用酌裝住，好有三角FEEL，襯晒雲長小龍坎既主題！
張貼
