影片
更多
2025-01-22
0 瀏覽
餐廳：梵日本燒鳥（尖沙咀）地址：尖沙咀厚福街8號H8 22樓正宗日籍店員同師傅駐場嘅串燒店！上次食過超正體驗，今次又嚟食，試下啲唔同嘢，唔係週末夜晚都咁多人，如果大家有興趣去真係要預約或者早啲到，坐吧檯仲可以睇住師傅精心燒烤。~梵師傅精選套餐有兩款，呢款就有10串串燒，MENU冇特別寫明有咩食，おまかせ食法，款類超多！師傅會一款款咁上，所以每串都熱辣辣同埋肉好大塊，大部分都係燒雞或者雞內臟，無論雞腎雞心都好大粒好新鮮，一口咬落去啲汁係滲出嚟，一啲都唔會覺得Dry。呢個套餐仲有一個特製燒飯糰，燒到飯糰脆脆口，包住紫菜咬落去真係幸福感滿溢！~牛舌專登額外再落咗啲串燒，首選當然係牛舌，口感彈牙，厚身得嚟熟度啱啱好！如果中意再熟少少嘅可以同師傅講。~照燒鵝肝師傅推薦Menu之一，上次試過芝士鵝肝，今次試下照燒汁，鵝肝都係大大塊，唯一唔同就係日式照燒汁嗰陣焦香味同鵝肝外脆內軟嘅口感完美融合，呢個價錢值回票價！~魷魚一夜干上次啱啱喺札幌食過一次一夜干，近幾年都好受歡迎嘅北海道烹飪方式，難得喺香港見到當然唔可以錯過，鮮味一啲都冇流失到，好大隻，切開一片片都好方便食，配埋蛋黃醬同我喺日本食真係冇咩分別
地址：尖沙咀厚福街8號H8 22樓
正宗日籍店員同師傅駐場嘅串燒店！上次食過超正體驗，今次又嚟食，試下啲唔同嘢，唔係週末夜晚都咁多人，如果大家有興趣去真係要預約或者早啲到，坐吧檯仲可以睇住師傅精心燒烤。
~梵師傅精選
套餐有兩款，呢款就有10串串燒，MENU冇特別寫明有咩食，おまかせ食法，款類超多！師傅會一款款咁上，所以每串都熱辣辣同埋肉好大塊，大部分都係燒雞或者雞內臟，無論雞腎雞心都好大粒好新鮮，一口咬落去啲汁係滲出嚟，一啲都唔會覺得Dry。呢個套餐仲有一個特製燒飯糰，燒到飯糰脆脆口，包住紫菜咬落去真係幸福感滿溢！
~牛舌
專登額外再落咗啲串燒，首選當然係牛舌，口感彈牙，厚身得嚟熟度啱啱好！如果中意再熟少少嘅可以同師傅講。
~照燒鵝肝
師傅推薦Menu之一，上次試過芝士鵝肝，今次試下照燒汁，鵝肝都係大大塊，唯一唔同就係日式照燒汁嗰陣焦香味同鵝肝外脆內軟嘅口感完美融合，呢個價錢值回票價！
~魷魚一夜干
上次啱啱喺札幌食過一次一夜干，近幾年都好受歡迎嘅北海道烹飪方式，難得喺香港見到當然唔可以錯過，鮮味一啲都冇流失到，好大隻，切開一片片都好方便食，配埋蛋黃醬同我喺日本食真係冇咩分別。
~日本產有機香茜豚肉鍋
上次食完一直掛住，啲香茜真係好香，不愧係日本直送有機農產品，當湯咁飲，一鍋夠三個人飲。
串燒真係好需要技巧，味道服務都一流，如果想喺尖沙咀食有夜景嘅高質串燒，呢度一定係不二之選！
張貼
