德美壽司

營業中

休息中

呢一間壽司店出咗名下晝嘅時候係特別平，朋友今日就帶咗我去呢一間位於喺厚福街嘅日式小店，我就叫咗佢嘅下午壽司郎set, 包左壽司烏冬同埋小食！最後埋單都唔使$100，有少少驚喜，因為佢壽司嘅質素真係嘅好🙈🙈 雖然個烏冬都冇乜特別不過如果大食嘅朋友呢一個份量真係一定夠🙈帶子壽司大大粒非常鮮甜，而且冇諗過呢一個下午套餐都會出呢一個質素嘅帶子，另外吞拿魚蓉亦都出奇地出色，淨係食幾件壽司都覺得抵食，壽司亦都係師傅即叫即做，鍾意食壽司嘅我哋梗係唔可以錯過！朋友都覺得蒸蛋幾好食，我就覺得中等水平🙈🙈