裕鵝莊 (已結業)

尖沙咀有好多間餐廳食燒鵝，可以話每間嘅價錢都相差甚遠，試過價錢唔平但係真係得幾舊燒鵝。嗌咗一個燒鵝瀨粉($80)，燒鵝同瀨粉係分開上，呢個價錢來講燒鵝算幾大份，食得好夠喉，唔會好似有啲餐廳咁得一碗粉上面兩三舊完全唔夠喉。仲嗌咗呢個滷水鵝肝，味道唔錯，有鵝味，不過如果小人食嘅話就有少少滯。仲嗌左個干扁肉碎四季豆，不過呢個餸就偏鹹咗啲，同樣地份量都唔少尤其是係肉碎同四季豆嘅比例係差唔多，唔會菜多肉少。呢間餐廳幾抵讚嘅就係上菜速度都好快，店員態度都友善，當日又咁啱可以坐到卡位，總括嚟講價錢合理又坐得幾舒服。