影片
更多
2023-02-26
28 瀏覽
呢次去咗一間位於尖沙咀嘅日本高級餐廳「鮨盛」，佢哋晚市有兩款omakase，分別係16品嘅Hana同埋19品嘅Shen，依家佢哋仲做緊優惠凡惠顧一個Shen，另一位Shen可以有半價嘅優惠。但我呢次只係食咗16品嘅Hana。前菜： 大蝦蟹肉寒天凍：蝦肉彈牙，寒天口感清新，配埋表面嘅酸汁啫喱，可以有效提升寒天入面蟹肉嘅鮮甜味。茶碗蒸：用咗毛蟹蟹肉作為芡汁淋上嫩滑嘅蒸蛋上面，令蒸蛋多添一份鮮甜嘅味道。白子瑩光魷魚，兩種口感有強烈嘅反差，白子綿滑，而瑩光魷魚爽脆，用咗木魚高湯作調味，可以令兩者更能發揮其鮮味。石垣鯛：做咗二食，一食將其做到薄切，蘸埋特製嘅酸汁，仲可以配埋紅色蘿蔔同埋蔥花，可以增加味道嘅層次。而另一款就用石垣鯛包裹鮮甜嘅海膽，仲用咗秘製醬汁調味，令其更加鮮美。鰆魚：魚肉本身細嫩，肉質飽滿，配咗辣根汁，帶有酸酸嘅味道，可以突顯魚肉嘅鮮味。西京燒銀鱈魚：銀鱈魚嘅魚油較多，經過火燒，可以逼出更多嘅魚油，食落油香更濃，配埋白味噌所做成嘅西京燒汁，甜甜嘅味道令魚肉更加好食。壽司：深海池魚：池魚魚味較濃，肉質厚實。針魚：魚肉較爽口彈牙鰈魚：用嚟自松川嘅鰈魚，而鰈魚上面仲有一份經過火槍燒過嘅
但我呢次只係食咗16品嘅Hana。
前菜：
大蝦蟹肉寒天凍：蝦肉彈牙，寒天口感清新，配埋表面嘅酸汁啫喱，可以有效提升寒天入面蟹肉嘅鮮甜味。
茶碗蒸：用咗毛蟹蟹肉作為芡汁淋上嫩滑嘅蒸蛋上面，令蒸蛋多添一份鮮甜嘅味道。
白子瑩光魷魚，兩種口感有強烈嘅反差，白子綿滑，而瑩光魷魚爽脆，用咗木魚高湯作調味，可以令兩者更能發揮其鮮味。
石垣鯛：做咗二食，一食將其做到薄切，蘸埋特製嘅酸汁，仲可以配埋紅色蘿蔔同埋蔥花，可以增加味道嘅層次。而另一款就用石垣鯛包裹鮮甜嘅海膽，仲用咗秘製醬汁調味，令其更加鮮美。
鰆魚：魚肉本身細嫩，肉質飽滿，配咗辣根汁，帶有酸酸嘅味道，可以突顯魚肉嘅鮮味。
西京燒銀鱈魚：銀鱈魚嘅魚油較多，經過火燒，可以逼出更多嘅魚油，食落油香更濃，配埋白味噌所做成嘅西京燒汁，甜甜嘅味道令魚肉更加好食。
壽司：
深海池魚：池魚魚味較濃，肉質厚實。
針魚：魚肉較爽口彈牙
鰈魚：用嚟自松川嘅鰈魚，而鰈魚上面仲有一份經過火槍燒過嘅鰈魚魚邊，令口感變得更豐富。
梭子魚：梭子魚嘅魚皮經過火炙，令魚皮多添一份火炙嘅香味，而師傅會用紫菜包住直接遞比我，仲會喺表面加上櫻花蝦乾增加味道同口感。
赤貝：肉質爽脆，味道鮮味。
太刀魚：魚肉較鬆散，師傳都會用紫菜直接包住遞比我，味道好鮮味。
手釣池魚：用深海池魚有啲唔同，肉質較為細嫩。
大拖羅：係拖羅中最肥美嘅部位，油香四溢，有入口即化嘅口感。
北海道海膽：師傳完全唔吝啬，細細嘅壽司有勁多嘅海膽，而且海膽味道極為鮮甜，係最鍾意嘅壽司之一。
卷物：今日係吞拿魚卷，用咗多款嘅吞拿魚再用蔥段所做成嘅卷物，有濃郁嘅魚味同埋青蔥嘅清新香味，仲有吞拿魚魚油嘅香味，令整個卷物嘅味道同口感都非常豐富。
細蜆清湯：湯身呈透明，有啲似白開水，但味道非常鮮甜。
甜品：日本士多啤梨酸甜均勻，配埋有濃郁茶香嘅抹茶雪糕，剛好中和整餐飯所帶嘅油膩感。
張貼
