影片
更多
2025-03-26
481 瀏覽
自從帶過屋企人黎食之後，一提起食日本野，佢地就會話食一遊，評價非常高呢～店員服務超級好，同我地介紹嚟緊四月復活節有優惠，食夠$500就送$100coupon，下次食到$300就可以再用～如果一大班朋友仲可以包廂暢聚～一遊沙津秘製沙律醬配上新鮮沙津菜，食食下發現配料仲有珍珠粒同埋小丸子，非常煙靭，清新開胃～刺身盛盒五點超級新鮮！！今次我地試高級一個grade嘅刺身盛盒，有中拖、牡丹蝦（分成滿滿蝦膏嘅蝦頭、蝦身兩件，超方便入口）、鮮帶子、赤貝同埋油甘魚，鮮甜度媲美係日本魚市場即食！！邊食邊有種去左日本嘅感覺～東洋卷特色卷物！！外表好似pancake，非常鬆軟～裡面就有爆量的三文魚籽、牛油果同埋鰻魚，鹹甜味道配搭得非常好～海膽蟹肉牛油果卷牛油角卷物上面放滿滿嘅鮮蟹肉，on top仲有超鮮甜嘅海膽～用料超級新鮮又闊綽，食得勁開心～雜菌厚燒玉子作為玉子控，我覺得呢個玉子燒仲好味過築地排長龍嘅玉子燒店～上枱時仲係熱辣辣，玉子好鬆軟，滿滿的蛋黃香，裡面夾住香菇片，成個玉子燒香味level up～串燒必試串燒！！今次試左豚肉車厘茄串、豚肉蘆筍串 雞肉明太子串、免治雞肉同埋魷魚串（期間限定，必試），依家
自從帶過屋企人黎食之後，一提起食日本野，佢地就會話食一遊，評價非常高呢～店員服務超級好，同我地介紹嚟緊四月復活節有優惠，食夠$500就送$100coupon，下次食到$300就可以再用～如果一大班朋友仲可以包廂暢聚～
一遊沙津
秘製沙律醬配上新鮮沙津菜，食食下發現配料仲有珍珠粒同埋小丸子，非常煙靭，清新開胃～
刺身盛盒五點
超級新鮮！！今次我地試高級一個grade嘅刺身盛盒，有中拖、牡丹蝦（分成滿滿蝦膏嘅蝦頭、蝦身兩件，超方便入口）、鮮帶子、赤貝同埋油甘魚，鮮甜度媲美係日本魚市場即食！！邊食邊有種去左日本嘅感覺～
東洋卷
特色卷物！！外表好似pancake，非常鬆軟～裡面就有爆量的三文魚籽、牛油果同埋鰻魚，鹹甜味道配搭得非常好～
海膽蟹肉牛油果卷
牛油角卷物上面放滿滿嘅鮮蟹肉，on top仲有超鮮甜嘅海膽～用料超級新鮮又闊綽，食得勁開心～
雜菌厚燒玉子
作為玉子控，我覺得呢個玉子燒仲好味過築地排長龍嘅玉子燒店～上枱時仲係熱辣辣，玉子好鬆軟，滿滿的蛋黃香，裡面夾住香菇片，成個玉子燒香味level up～
串燒
必試串燒！！今次試左豚肉車厘茄串、豚肉蘆筍串
雞肉明太子串、免治雞肉同埋魷魚串（期間限定，必試），依家保持水準～師傅即叫即燒，燒得岩岩好，超juicy同好香～
炭燒黃魚
今日daily special係炭燒黃魚，魚皮燒至香脆，魚肉仍然juicy，完全唔腥無泥味，好值得試～
生薑豚肉石頭鍋飯
熱辣辣石頭鍋飯～醬汁相對清淡，豚肉片好香無雪味，份量大約有5-6碗，非常滿足～
飲品
呢到飲品選擇都算多，由酒精類到非酒精類都有，我飲左梅酒（加Rock)，梅味甜～屋企人就飲左海鹽荔枝梳打、熱柚子、陳年柑桔蜜，滿足晒大家唔同嘅需要～
張貼
