雪寮 (已結業)

雪寮又有新野😍😍😍今日落嚟K11宜家傢俬買嘢，口痕上去雪寮諗住食吐司！點知見到原來最近出咗雪糕😍😍😍有幾款雪糕都非常特別，姜檸脆棗雪糕真係第一次見，非常新穎！洛神草莓滋潤雪糕，呢一款睇落似士多啤梨醬，下次試吓先！今次我叫咗椰皇雪糕，非常有驚喜！雪糕奶味香濃，食到底下原來充滿雪耳😱😱😱😱真係估唔到，非常足料！另外仲叫咗兩份奶酥吐司！一份係可可奶酥配雲呢拿奶酥，另一份係伯爵茶橙味奶酥配抹茶奶酥❤️伯爵茶奶酥中有橙味非常特別，香氣十足！而且麵包軟熟，焗完都保持到狀態，好食！個人最喜歡可可奶酥，朱古力味嘅嘢真係冇得輸，而且奶酥非常厚身，真係厚厚地塗上去！兩個人食一片就啱啱好！除咗甜味嘅奶酥，仲有提供鹹味嘅厚吐司，例如蘭王旦芝士厚吐司！好想試，可惜今次太飽，下次再嚟一定要試吓！