酒鍋 (天文臺道) (已結業)

最近香港又凍返少少，所以就同老公去打吓邊爐，我哋揀咗去酒鍋度食，叫咗個二人餐，好快就上咗黃金美人湯底，即係胡椒豬肚花膠黃金鮮雞湯，可以即刻驅寒，花膠仲有助養顏添，我哋不時都會抌啲蜂巢豆腐入去索湯食海鮮拼盤：包括扇貝、聖子、海蝦、卜卜蜆，我哋特別鍾意聖子，食落真係好鮮甜，而且爽口黑毛和牛：真係非常好食，有少少油脂得來，但有肉嘅纖維，唔會過於肥膩餃丸：黑松露蝦蟹餃嘅黑松露味特別香，魚皮餃嘅表皮做得好好，墨魚丸彈牙，芝士蝦丸入面係有流心芝士，充滿鹹香蔬菜拼盤：包括菜，南瓜，蕃茄等等，椰菜花同胡椒湯底好夾薏米檸檬水：味道唔算太甜，而且有助水腫Peachy Punch:結合咗桃、提子、菠蘿嘅味道，清新開胃