逸 壽司 (已結業)

今日落緊毛毛雨，但唔知點解就諗起好耐冇食壽司，所以一於去搵下黎食，係尖沙咀行左好耐，去到亞士厘道發現到逸壽司，依到除左有omakase食之外，仲有得散件叫或一set set咁叫，都幾吸引，所以就揀左依間黎食！由於得自己一個人食，所以今次叫左個特上壽司盛(10枚) 入面有吞拿魚腩、深海池魚、油甘魚、真鲷、火炙金線鯛、池魚、牡丹蝦、帶子、海膽同三文魚籽一上枱勁吸引🤤🤤全部野都好靚🤤🤤師傅手勢非常好，握壽司飯嘅力道拿捏都好，夾起上黎一d都唔易散，但食起上黎一d都唔會實，入口容易散開，而且醋同飯嘅比例好好，所以微微嘅醋味上仲可以食到飯香🤤正！佢所有嘅海鮮非常之新鮮，一d都唔腥！食好多間壽司店都總會有一兩件唔係話太好，但依到10件都非常有質素，認真可以慢慢咁享受😋😋海膽、蝦、帶子同魚子非常鮮甜，魚類鮮味爽口，個人非常鍾意佢個火炙金線鯛，魚肉帶有火灸嘅香味，而且逼出左魚皮下嘅油脂，食落肉質夠實肉，夠晒咬口，真係色香味俱全，冇得頂呀😍😍😍😍😍整體黎講，餐廳環境舒服，職員十分有禮，食物質素非常高，而且仲要唔係貴，10件都係$268，依間真係尖沙咀區必食之選