影片
更多
2017-11-11
100 瀏覽
星期日嘅尖沙咀真係超多人，想搵個地方坐耐啲食得舒舒服服都唔容易！咁啱男朋友話要去美麗華睇 tomica 車仔，睇完就周圍行搵好嘢食。去到 Mira Place 2 經過呢間 Wired Cafe，即刻比佢超靚嘅裝修同個 menu 吸引到，見佢個環境好似幾好坐，所以就決定喺呢到醫肚啦～Gin Yuzu 首先嚟嘅係呢杯柚子 cocktail，望落平平無奇，但係飲落又幾有驚喜喎。酒嘅濃度啱啱好，唔會搶晒柚子嘅香味。兩個味道溝埋一齊好夾，男朋友好 likey！明太子忌廉意粉 港女對明太子意粉有種情意結，所以喺門口見到個 menu 有明太子忌廉意粉，未坐低已經決定要叫呢樣～ 個意粉麵質剛剛好，唔會太淋或太硬。蟹籽、芝士嘅分量好足，個 sauce creamy 得嚟唔會太漏，令成個意粉口感好豐富。三文魚牛油果蓋飯表面上係沙津，實際上係蓋飯。望落好開胃，炙燒過嘅三文魚好有油香，唔會燒得太熟，啲三文魚油同啲沙津菜撈埋一齊食啱啱好，啱哂想食清淡啲嘅女士們！白酒蒸蜆牛油、白酒、檸檬同蜆呢個配搭睇落好簡單，但其實要煮到每樣味道都啱啱好真係好難。蜆嘅 size 適中，個汁偏重牛油同白酒味，整體上頗香同鮮甜。個
Gin Yuzu
首先嚟嘅係呢杯柚子 cocktail，望落平平無奇，但係飲落又幾有驚喜喎。酒嘅濃度啱啱好，唔會搶晒柚子嘅香味。兩個味道溝埋一齊好夾，男朋友好 likey！
明太子忌廉意粉
港女對明太子意粉有種情意結，所以喺門口見到個 menu 有明太子忌廉意粉，未坐低已經決定要叫呢樣～ 個意粉麵質剛剛好，唔會太淋或太硬。蟹籽、芝士嘅分量好足，個 sauce creamy 得嚟唔會太漏，令成個意粉口感好豐富。
三文魚牛油果蓋飯
表面上係沙津，實際上係蓋飯。
望落好開胃，炙燒過嘅三文魚好有油香，唔會燒得太熟，啲三文魚油同啲沙津菜撈埋一齊食啱啱好，啱哂想食清淡啲嘅女士們！
白酒蒸蜆
牛油、白酒、檸檬同蜆呢個配搭睇落好簡單，但其實要煮到每樣味道都啱啱好真係好難。
蜆嘅 size 適中，個汁偏重牛油同白酒味，整體上頗香同鮮甜。個白酒煮蜆有兩塊多士伴碟，但港女唔好甜麵包，所以咬咗啖就無食，不過男友話好味食晒！
香蕉朱古力芭菲
個芭菲底下有啲粟米片，同朱古力雪糕、香蕉一齊食口感好得意好夾，超啊！😍
整體嚟講有驚喜！無諗過求其喺旺區搵間 cafe 食物會咁高質！仲要食咗咁多嘢兩個人都係三百幾蚊落樓！值得再幫襯，下次約班姊妹出尖沙咀 high tea 可以考慮嚟呢到☺️
張貼
