阿爺八鮮鍋

營業中

休息中

✨️2.5小時河鮮海鮮雞煲火鍋放題✨️首先店員介紹佢地今日煲嘅鱷魚肉燉川貝湯，幾有儀式感係搵個煲裝住。飲落帶有啖啖海底椰香味，清甜美味。之後再上埋個刺身，有蝦、赤貝、三文魚及海哲，全部都幾鮮嫩。再試下個雞煲，有原味、泰底酸辣、韓式芝士或四川麻辣俾你揀，今次就試原味。煲底都有幾多汁，而且都幾濃郁，索晒入雞件。雞肉食落夠晒惹味，而且份量岩岩好。火鍋湯底就揀左椰子雞及海鮮湯底，兩者都幾清甜。好快地都上埋個海鮮拼盤，有龍蝦、鮑魚、蟹、海蝦、大蜆及蟶子。龍蝦食落肉質非常新鮮q彈，特別要讚嘅係龍蝦尾嘅肉可能因為經常拍打關係，而特別彈。其他活海鮮都十分新鮮，肉質夠晒爽口。而且每次再叫鮑魚食隻鮑魚都仲係郁郁下，非常新鮮。除左海鮮仲有唔同嘅配料可任供選擇，有牛有豬有雞有雲吞水餃及菜等等。而個人就特別推薦安格斯牛肉、牛白肉、蟹子蝦滑及黑松露墨魚滑。安格斯牛肉肉質厚實，味道香濃；牛白肉就有微微牛油香味，口感有點脆又帶點韌勁；蝦滑及墨魚滑都非常鮮嫩，爽口腍甜。食完果然朋友冇介紹錯，又新鮮又抵食，尖沙咀呢個地段嚟講真係算超越左呢個價錢應有嘅質素有餘，正正。