三少爺 (已結業)

昨天到這間三少爺一嚐招牌蝦湯麵，其間這間鋪我一早已收藏在我的最愛餐廳之中，碰巧昨晚到紅館睇演唱會，睇完好多食評感覺應該不會中伏吧，所以就即管試試。很多食評都推介：蝦湯麵、炸雞脾，炸蝦餅、芝士蝦春卷，我們叫了以下：蝦湯麵、炸雞脾蝦湯麵及芝士蝦春卷。蝦湯麵先到，一早賣哂油麵，所以揀咗矇粉，嘩個蝦湯真係好香，飲咗一啖湯先，的確我相信是他們聲稱的用7斤蝦來煲的湯，好香濃👍🏻配料有豆卜、魚片、兩隻中蝦、芽菜、半熟蛋，樣樣都好新鮮。我朋友揀的炸雞脾蝦湯麵選了金邊粉，值得一提的是，矇粉和金邊粉都好煙un，店員話不是一般貨色，是來自越南的，的確食落與坊間的口感不同，我覺得好好味！炸雞脾食得出是生炸的，好新鮮，但略嫌不夠味，如果腌下先炸應該會更出色，不過皮很脆，不油膩，熟的程度剛好，其實好考功夫👍🏻芝士蝦春卷都不會油膩，但味道一般。必定會再來幫襯，試埋蝦餅（店員話要晚上才供應）