咖啡弄 (已結業)

昨天由早做到半夜才有空食晚飯，今天決定要食D甜嘢獎勵自己，所以我同同事一同去咖啡弄朝聖。用餐時間限制一個半小時，而所有人最少要點一杯飲品。所以我們二人分別點了咖喱牛腩飯同士多啤梨窩夫share, 海鹽latte 同綜合水果茶。咖喱牛腩飯$72：牛腩只有三件和一件大薯仔。咖喱味道是辛香帶辣，有點像印度咖哩，和平曰食的曰本咖喱很不同。牛腩炆得稔，有口感又入味，白飯軟硬適中，配上咖喱汁，又幾醒胃。整體而言，普普通通。士多啤梨冰淇淋鬆餅$60: 嘩！有四大件waffles! 仲有好多strawberries 、custard 同icecream!Waffle 厚厚地，質地結實有旦香，外脆內軟，加埋D滑溜custard 同strawberry sauce, 又真係幾好味噃！再點下strawberry icecream 再試試，一冷一熱的味覺感受。正！海鹽焦糖咖啡：咖啡味道甘醇，甘味中帶少少鹹，味道幾獨特；但最讚的是那肥死人的cream, 那些cream 很香滑又fluffy, 加上焦糖糖漿同nuts, 好鬼肥，但又好好味。水果茶：吸睛度100%！所謂果茶，雖眼見又菠籮又橙又蘋果又話梅，但飲落都似