擂台

營業中

休息中

十萬個激嬲女友嘅理由當中肯定有一半係因為女朋友唔鍾意你打機，而作為24孝男朋友嘅我就已經為咗我嘅愛人放棄咗我嘅電競美夢。點知真係天無絕人之路，早兩日經朋友介紹下嚟到The Ring，我簡直感覺置身男人嘅天堂，夢想嘅舞臺，呢間居然係一間電競酒吧OMG!!! 大屏幕嘅影像，加上專業嘅電競椅，我睇到都已經熱血沸騰Arrrrrrrr。本身擔心參加比賽要比報名費，點知只要買一杯酒精飲品就已經可以報名參與，真心開心到笑出嚟！可惜我嘅技術日久失疏，想當年跑Online馳騁沙場嘅我，今日輸到慘不忍睹，就唯有坐埋一邊飲嘢睇人比賽算啦。呢度嘅酒精飲品選擇都好多，酒杯造型仲要別樹一格，影俾女朋友睇佢已經叫我下次要帶佢嚟添 (真心我痴咗線先會帶佢嚟啦!) 就喺我意猶未盡之際，見到佢做緊個推廣喎，掃描個QR Code就送免費Shot，咁我當然唔會走雞，個shot仲真心幾好飲添！總括嚟講，雖然我已經江郎才盡，但作為一個自細立志做電競選手嘅人，我只可以話，我揀Bar一定會揀呢間，但奉勸各位巴打就唔好帶班唔識打機嘅女朋友嚟掃興喇！