影片
更多
2010-10-29
320 瀏覽
香港人鐘意食蟹,我未到大閘蟹的季節已經留意大閘蟹的新聞喇~今年的大閘蟹貴左,我去左東海食二人起的大閘蟹套餐$280,有7樣食物,包兩隻公蟹,我覺得幾抵嫁佢地D服務態度真係好好,效率高,幾乎差唔多食完一道菜就即上第2道,而且好細心,同埋我BOOK 6點半,完全唔駛等位就先黎個魚翅花膠佛跳牆,湯清甜,足料,讚!然後每人兩隻小籠包,隻隻小籠包都皮薄,蟹粉又多,味道唔駛多講,正!主菜來了~每人兩隻大閘蟹^o^都係公蟹,東海都算係咁,大閘蟹套餐d蟹都唔太細隻,d膏都唔算好少,一打開個蟹蓋,d膏香已經撲鼻,口水都流埋出黎!二話不說就將蟹分開兩邊,一啖咬落d蟹膏度...哇...美味的感覺,唔係筆墨可形容XD然後就係蟹粉蒜蓉包,蟹粉蟹膏夾雜著蟹肉,一大啖放係脆脆的法包上,正!對唔住,E個菜忘了影相...再黎個嫩綠油生菜,好甜同爽口,雖然有D油,但係都接受到^_^之後就上酸辣烏冬,話酸辣又唔算好酸好辣,但係烏冬真係值得一讚,堅滑~我成碗食哂最後係薑茶湯圓~~無問題,而且湯圓甜甜的,薑茶暖胃~食完幾日都唔覺身體濕熱或腸胃不適XD果個星期六我再約3位朋友去食4人餐,坦白講4人餐就真係無咁抵食,因為蟹粉小籠包
今年的大閘蟹貴左,我去左東海食二人起的大閘蟹套餐$280,有7樣食物,包兩隻公蟹,我覺得幾抵嫁
佢地D服務態度真係好好,效率高,幾乎差唔多食完一道菜就即上第2道,而且好細心,同埋我BOOK 6點半,完全唔駛等位
就先黎個魚翅花膠佛跳牆,湯清甜,足料,讚!
然後每人兩隻小籠包,隻隻小籠包都皮薄,蟹粉又多,味道唔駛多講,正!
主菜來了~每人兩隻大閘蟹^o^都係公蟹,東海都算係咁,大閘蟹套餐d蟹都唔太細隻,d膏都唔算好少,一打開個蟹蓋,d膏香已經撲鼻,口水都流埋出黎!
二話不說就將蟹分開兩邊,一啖咬落d蟹膏度...哇...美味的感覺,唔係筆墨可形容XD
然後就係蟹粉蒜蓉包,蟹粉蟹膏夾雜著蟹肉,一大啖放係脆脆的法包上,正!對唔住,E個菜忘了影相...
再黎個嫩綠油生菜,好甜同爽口,雖然有D油,但係都接受到^_^
之後就上酸辣烏冬,話酸辣又唔算好酸好辣,但係烏冬真係值得一讚,堅滑~我成碗食哂
最後係薑茶湯圓~~無問題,而且湯圓甜甜的,薑茶暖胃~食完幾日都唔覺身體濕熱或腸胃不適XD
果個星期六我再約3位朋友去食4人餐,坦白講4人餐就真係無咁抵食,因為蟹粉小籠包同大閘蟹一人又得一隻!烏冬同蒜蓉包無左,換左其他,BY THE WAY,我都會繼續支持大閘蟹套餐XD
張貼
