樂天冰室 (長利商業大廈)

營業中

休息中

呢間所有員工服務態度，真係極品！上至樓面Supervisor下至收銀，個個年初四咁嘅樣，難得上下一心，真佩服！等睇你執👍我好少寫負評，句句衷心直說。食物質素OK，但從一入門口，帶位阿姐一副命令你咁樣，哈！要不是已經相約朋友在餐廳等，我一定轉身離去，我忍！之後那個樓面阿哥一副挑機模樣，只是一句提醒清潔枱面乾淨少少，他的語氣我近乎想跪地求饒叫佢「你開心返啦！」，能夠上下都有咁嘅面口，大概是這間茶餐廳特色。收銀那個已經算三個之中最唔係太差，不過鞋口鞋面，想行運都難。前世未收過氣嘅，一定要來試吓！說實話，咖喱飯是不錯的，奶茶質素也不差，如果你所有員工態度正常啲，我真係唔會同你太計較。既然呢個係你餐廳特色，我一定同你發揚光大，等睇你營業得幾耐，同你鬥長命。