樂天冰室 (長利商業大廈)

營業中

休息中

🐷焗芝士鮮茄豬扒 ($65)即叫即焗，拎到出嚟啲醬汁仲滾緊，視覺上令我好開心😍好大兜，豬扒普遍都係一整塊肉，得一嚿骨仔。肉質都幾嫩滑，好厚嘅，入面係配炒飯（我係焗豬炒飯底支持黨😆）炒飯香口👍🏻平時食焗豬食到一大半已經生無可戀，但今日唔算好餓，但食完都唔覺好dry/好漏但係芝士🧀拉絲同埋味道都唔太有存在感🫘招牌紅豆冰 (焗飯加配$9)特飲嚟講算比其他地方大杯，好足料🫘撈埋唔至個樣似，連味道都有少少似oreo嘅味🤏🏻 Creamy嘅Dai C的話💭個飯同埋服務態度係對得住個價錢嘅，但未到超越出準✨ 但如果有機會，會想試埋佢啲小炒😆

今日自己去咗樂天冰室尖沙咀分店食個下午茶，係一個快食嘅選擇。樂天冰室喺尖沙咀呢度，位置幾方便，環境唔算大，但好乾淨，坐得幾好，對於一個人嚟食嘅我嚟講，真係好適合。我點咗個咸魚雞粒炒飯，價錢$47，再加一杯熱奶茶。首先講炒飯，味道上來講，算係中規中矩，咸魚味唔算好突出，但又唔係無味，雞粒煮得幾嫩滑，飯粒炒得幾香，但整體來講，無特別驚喜。份量夠飽，對於我一個人食剛剛好。至於熱奶茶，味道普通，茶味唔算好濃，但夠熱，喝落去好暖胃。如果你對奶茶有特別要求，可能會覺得唔夠味，但作為一個配飯嘅飲品，係可以接受嘅。服務方面，樂天冰室員工態度友善，雖然無特別熱情，但都會有禮貌地服務你。整體環境好清靜，適合需要一個地方休息或工作嘅人。總評來講，樂天冰室作為一個快食選擇，雖然食物無特別驚喜，但環境舒適，服務OK，價錢合理，係一個可以再次考慮嘅地方。**食品星級評分：⭐⭐⭐**總體星級評分：⭐⭐⭐⭐會再去試試其他嘢，但唔會對食物有太大期望。

講到下午茶，我一定係會揀樂天冰室，因為佢個魚柳包嗰塊魚柳真係手掌咁大，嗰個沙律又正，係薯仔蛋沙律打溶晒，超級好味😂👍🏻👍🏻👍🏻唔好睇佢個包面頭好似燶燶哋，查實係勁脆～份量超級大～尖沙咀有呢個質素，嘅下午茶，都係$45 ，真係超級抵🤣極力推介

事緣喺度嗌一個外賣攞咗三包辣椒油，一個瘦長頭髮嘅女人就即刻行過嚟同我講話你一個外賣攞兩包辣椒油就夠啦，跟住我唯有哦，都唔知仲可以講咩好,就走咗啦今時今日仲有咁嘅服務態度香港，多謝你

選了很久才去呢間餐室，諗住無咁多大6人。見網民投稿此店服務態度非常劣，我也冒險一試。下單時要求野飲後叫，因為唔想放涼，侍女同我講: 繁忙時間野飲無後上，我回道: 咁d野飲咪放涼晒 (去咁多餐廳從未有人同我講唔可以咁做)? 於是乎佢行開咗幾分鐘，又走過來問飲乜野呀? 我們只好迫於無奈地下單。到結帳時見到有電子支付為Alipay & Wechat Pay以及現金，我說: 收八達通? 四眼肥肥地的收銀阿姐回: 不，因要收6%手續費，我道: 那麼你們只做大6人生意? 佢仲話全部餐廳都係咁。我道: 你地新蒲崗分店是只有現金的，那麼對我們香港人好唔公平，沒有一視同仁，加上鄰近既大紅茶咁好生意咪又照樣只收現金，人地只見龍頭不見龍尾。之後佢仲要呴度囉唆不斷，當時我已經走出餐廳都廢事同佢講。所以此間餐廳應要進行嚴格的員工訓導，並要接客一視同仁!!!食物水準又唔係特別好食，比錢仲要受氣!!

此店極為不專重客人，服務態度極度惡劣😡原因1：我同朋友兩人入座，一位男侍應為我們下單，過程中（立即）想加錢轉麵，但遭到拒絕！他說因為下單後不能更改⋯！出了一秒改也不能⋯！原因2:我朋友叫了一個常餐，蕃茄（湯）通心粉，但來的時候，竟然冇湯看似撈通心粉，所以請了一位女侍應來查詢，她的態度言語極之惡劣無禮，跟我們說廚房不嬲都係咁樣煮嘅！碟碟都係咁樣㗎啦⋯⋯！甚麼⋯不嬲都係咁煮？很奇怪！我要求無理嗎⋯⋯？我只希望要湯通粉，不是撈通粉⋯！一間如此無視顧客、極之無禮貌的茶餐廳，請我也不會到⋯⋯！永不再次幫襯！

樂天荔枝角店完全係我哋飯堂…除咗呢幾年成日都食… 最近大半年, 晚餐幾乎都係食佢… 有時候 連早午餐都係佢… 近嘛 夜晚啲同事特別 nice!!!叫咗常餐同埋晚餐~ 今次稍稍偏咸, 所以只係飲咗半碗~ 肉夠厚 熟透唔柴, 無骨食落方便, 可以呀~本身餐跟炒滑蛋, 但係我一向鍾意轉熟蛋~鍾意佢茄味啱啱好, 唔會伏伏茄膏感濃濃~係幾年, 都會飲曬嘅湯底~ 可能夜喇, 無荔枝角分店咁爆客, 材料準備好之後放耐咗啲, 通粉質感稍軟, 但仲係响合格線入面嘅~ 牛肉片質感正常, 可以的~ 但都係掛住之前荔枝角店嘅牛尾…btw,凍檸茶 (基本上, 我地每日最少 2餐都係咁叫)一杯少甜 vs 一杯少甜少冰極少有餐廳好似我地遇到嘅姐姐咁好咁認真, 小心放低 講清咗邊打邊杯, 好貼心呢!

星期日嘅5:30試做完facial 經過見到有間茶餐廳有菠蘿飽賣即刻醒起自己晏晝都未食，望落有位即入。樓面姐姐介紹有兩個菠蘿包餐，菠蘿油配紅豆冰$30，有煎蛋、煙肉、蕃茄菠蘿包餐就$39，一陣返屋企仲要食飯，咁就揀個$30啦！呢度人手落完單，覆一覆WhatsApp杯紅豆冰就到，睇埋其他餐牌，菠蘿油都嚟埋，🫘冰叫咗少冰，好香帶雲呢拿奶味，🫘軟糯😋，好快飲剩得番半杯嗱嗱臨食飽先，不過菠蘿包唔熱，好在食落皮脆不易散，夾埋牛油食，正！如果個包熱辣辣仲正！$30超值！見佢鮑魚煲同其他小菜🥘 都好多選擇有機會再嚟試🥢呢度唔收八達通，但可以用Alipay WeChat後記：唔嚟睇都唔知原來咁多負評，但我覺得地方乾淨，有空間感，不停聽到客人走時夥計有講‘多謝！再見！’

工作後離朋友飯聚還有兩小時，就先找地方下午茶，坐下打發下時間。餐廳在諾士佛臺下面，入座後才發現是樂天冰室，這一間分店第一次光顧。不是很餓，待會又吃晚飯就打算簡單點個奶醬多士。奶醬多，真的超多奶醬。因為很便宜，另外又點了個吞拿魚包。充料吞拿魚內饀🤌

今日午餐嚟到樂天冰室食午餐，有時食午餐最緊要快靚正，但係呢度除咗快之外啲嘢食其實真係唔差，今日叫咗精選午餐A餐瑞典式烤雞扒意粉，個雞扒真係好好味，最重要係咬得落口，同埋最緊要個價錢唔貴，一般尖沙咀60幾蚊一個午餐已經係算係好平，大家不妨可以試吓！

啲服務態度極差！！食個早餐都要睇佢面色😡😡😡平時都係買外賣食，今日有時間坐低堂食結果大開眼界，無啦啦都好似得罪佢咁，叫佢落單，睇到你扮睇唔到，應又唔應你，同個朋友坐低食嘢，正常聲浪傾偈，個夥計走埋嚟叫我哋細聲啲講嘢，大佬，茶餐廳黎架，你以為係圖書館呀！？啲夥計個個都黑面，係佢個老細虐待佢哋所以要對啲客黑面？一早食個早餐，就係想有個好心情啫，咩都俾你破壞晒啦。係咪而家多番自由行，就唔休做先？係你咪講囉，專做自由行生意嘅，香港人就唔會幫襯你囉。

態度已經唔可以用差嚟形容直頭係啞嘅黑面就梗㗎啦落單全程擰歪面 完全唔知佢究竟係咪幫你落緊單更加唔知佢聽唔聽到嘢食唔難食 但絕對唔係好食嗰隻想體驗香港茶餐廳文化可以一試

經過尖沙咀見到門口放着美味的包點，於是被吸引進去，打算叫菠蘿油吃，看着餐牌上琳瑯滿目的下午茶，的確有心動，但是還是想吃菠蘿油，於是跟店員A叫了一份價值$13的菠蘿油，店員A說，設有最低消費$20，我還沒說完，她便轉身離開了。我叫了店員B過來，跟她說，要一個價值$13的菠蘿油，跟一個價值$8的蛋撻，店員B說，要杯紅豆冰嗎？我說：不用。店員B說，你不喝東西就要叫外賣。我很愕然。我已經依照你們的指示，叫上了最低消費費，現在還進一步要我難堪，二話不說，我最後還是選擇了叫一個菠蘿油外賣算了。不會有下次。

喺尖沙咀做完Facial求其搵一間茶餐廳食少少嘢就趕住打道回府。印象中記得樂天冰室嘅菠蘿包好正，於是就衝過去我啱啱避過中午人潮。一坐低就叫咗個菠蘿叉燒包，熱鴛鴦 $34價錢都係咁上下，見之前好多食評話佢嘅服務態度超差，今日我嚟親身體驗就覺得正正常常茶餐廳態度，店員唔會對你笑騎騎，都係板面為客人落單。瞬間我嘅菠蘿叉燒包就送到眼前菠蘿包一拎起幾有手感有點重量，拎上手仲係暖，咬落去菠蘿皮頗鬆化，叉燒餡都幾多，唔會只係一劈醬，亦都唔係空氣包，$14 ok la 。熱鴛鴦味道淡咗少少，花奶唔夠多，口感冇咁滑。順手買多個紅豆麵包返屋企做早餐

諗住假期親子遊在附近食野，那度近K11，外面那個係好好招呼，即時拎位，但又唔同人講聲早選定套餐，入到去就兩回事，未坐好就即刻有人來問食乜，答一陣先點餐，那些伙記黑晒面走人，又唔畀杯水來，點餐果陣，最搞笑係餐牌，散叫餐現在叫野飲當係套餐計，但食食下叫野飲就係按正常價，心諗不如去搶，這裏還是遊客區，應該不只本地人去消費，貪d客10元8塊，做衰自己牌頭，都係電腦落單，點完餐又唔同人講餐具在那裏，黑住口臉走人，最搞笑亦最離譜是送錯餐，那個原本是我地的餐送了隔離枱，隔離枱又傻hi都照食，我地反而未食，侍應知道做錯了走來說送錯餐，但居然講話把已經食了的餐交換畀我地，有冇病阿，人地食了小小畀我地，點跟人口水尾，餐真係出得快，但係似滾水蒸熟的味道