影片
更多
2021-09-15
134 瀏覽
有一排無食又好掛住日本嘢，於是去咗呢間食物選擇好多嘅日本居酒屋，一於食豪啲豐盛啲(*˘︶˘*).🦀 味噌蟹甲羅 $156每次食日本嘢都好想食甲羅燒，見到餐廳有呢款菜式，當然唔會錯過啦！蟹蓋裡滿滿嘅蟹膏，鋪上松葉蟹肉及蟹籽、再配上葱花及生鵪鶉蛋。店員會全程幫手燒，將材料拌勻，聞到陣陣香氣，食落鮮味濃郁，滋味非常！.🦪 浜燒牡蠣 $136 • 帆立貝 $136牡蠣及帆立貝食材新鮮，只加清酒唔使調味料已經好鮮味！店員燒煮時間控制得宜，生熟度啱啱好。帆立貝肉質爽彈鮮甜，食完要飲埋啲汁，係海鮮精華嚟架！店員介紹牡蠣係瀨戶內海出產，肉質飽滿，口感富有彈性，蠔味比一般嘅更濃郁，充滿海水鮮味。.🐟 深海池魚刺身 $148 • 金槍魚刺身 $148兩款刺身都係厚切，肉質有色澤望落好新鮮。池魚肉質鮮嫩，入口魚油甘香。金槍魚魚味濃郁，相對油脂較少，肉質有彈性咬落無筋。.🍣 特選壽司盛合 $298共8款手握壽司，有帆立貝、三文魚、油甘魚、金槍魚、海膽、魷魚等等。最鍾意帆立貝大大粒，肉身肥厚，味道鮮爽帶甜。海膽都幾厚身，色澤金黃，口感滑溜creamy，甘香濃郁。.🦪 牡蠣天婦羅 $168吉列蠔就食得多，天婦羅嘅
.
🦀 味噌蟹甲羅 $156
每次食日本嘢都好想食甲羅燒，見到餐廳有呢款菜式，當然唔會錯過啦！蟹蓋裡滿滿嘅蟹膏，鋪上松葉蟹肉及蟹籽、再配上葱花及生鵪鶉蛋。店員會全程幫手燒，將材料拌勻，聞到陣陣香氣，食落鮮味濃郁，滋味非常！
.
🦪 浜燒牡蠣 $136 • 帆立貝 $136
牡蠣及帆立貝食材新鮮，只加清酒唔使調味料已經好鮮味！店員燒煮時間控制得宜，生熟度啱啱好。帆立貝肉質爽彈鮮甜，食完要飲埋啲汁，係海鮮精華嚟架！店員介紹牡蠣係瀨戶內海出產，肉質飽滿，口感富有彈性，蠔味比一般嘅更濃郁，充滿海水鮮味。
.
🐟 深海池魚刺身 $148 • 金槍魚刺身 $148
兩款刺身都係厚切，肉質有色澤望落好新鮮。池魚肉質鮮嫩，入口魚油甘香。金槍魚魚味濃郁，相對油脂較少，肉質有彈性咬落無筋。
.
🍣 特選壽司盛合 $298
共8款手握壽司，有帆立貝、三文魚、油甘魚、金槍魚、海膽、魷魚等等。最鍾意帆立貝大大粒，肉身肥厚，味道鮮爽帶甜。海膽都幾厚身，色澤金黃，口感滑溜creamy，甘香濃郁。
.
🦪 牡蠣天婦羅 $168
吉列蠔就食得多，天婦羅嘅就比較少見。炸漿輕薄鬆脆，包住大大隻嘅牡蠣，唔會炸得過火，肉質保持鮮嫩juicy。
.
🥢 海葡萄抹茶冷麵 $128
冷麵用咗抹茶蕎麥麵，麵質爽口細滑，慢慢嚼就會食到淡淡抹茶味道，配上冷麵汁味道更清爽。海葡萄帶海水鹹鮮味，口感清脆，夾埋冷麵一齊食，健康清新啱晒夏天！
.
🍜 雜菌烏冬 $88
烏冬口感幼滑煙韌，雜菌份量都唔少，湯底清澈有淡淡菇菌香氣。
.
🍹蜜瓜乳酸 $78 • 芒果乳酸 $78
果味自然，乳酸味道溫和唔會太甜。
.
總括而言：餐廳環境佈置充滿和風色彩，仲有榻榻米座位，好有日本風情！餐廳主打浜燒海鮮，其他日式料理選擇亦好多，由沙律、刺身、壽司、天婦羅、鍋物、燒物等等都可以食到。新鮮高質嘅日本食材，加上日本feel嘅環境，滿足食慾同時當偽出國旅行ᕕ(ᐛ)ᕗ
張貼
