羲和雅苑

營業中

休息中

幾個師奶仔每月都會相約四出揾食，今次試食呢間羲和雅苑，之前去北京旅遊時在北京食過，覺得環境、服務及食物都非常之好，見香港開咗分店所以去試吓，訂咗間望維景的廂房諗住靜靜地吹下水，但伙記每次入嚟都唔關門要我哋自己去關， 每放低一個餸我哋就要去關一次門真係火都嚟， 講過請順手關門溝完都冇用，因為傳菜有幾個伙記，轉個頭又係要我哋自己關。 片皮鴨上菜時伙記會講解鴨的不同部位配不同醬料，但講解的伙記完全heart，面無表情唔願做咁，唔講好過講！我哋叫咗四人套餐五人食，埋單大約二千七， 套餐份量好多足夠五人分享，所以都算抵食，食物質素亦ok！除咗獅子頭配飯，啲飯完全係生米，我問伙記究竟啲飯係特登著成咁生定係煮唔熟，佢話應該係落少咗水。