影片
更多
2024-07-07
71 瀏覽
一間不時就會見到朋友推薦既泰式fusion菜，今次終於有機會同朋友黎試下～餐廳主打泰國菜式，結合西式風格烹調，互相cross-over。而且採用優雅充滿格調既裝修，再另外配合唔同特色既cocktail 飲品，無論係諗住嚟醫肚定純粹同朋友嚟chill吓，都係個好好嘅選擇～-青咖喱（豬肉）配薄餅因為今次小編朋友係個無辣不歡既辣朋友，所以今次揀咗偏辣嘅青咖喱。菜式咖喱味濃郁，而且應該係採用咗比較正宗嘅青咖喱，辣味亦都十足，如果係唔太識得辣嘅朋友可能就唔好試啦。但正正因為咁所以咖喱非常之惹味，用薄餅沾咖喱汁食，絕對一流！-飛天小椰菜一個充滿驚喜嘅菜式，菜式用咗比較多汁多水嘅形式去處理，同平時食炒飛天菜完全唔同。雖然佢好多汁，但仍然保留到飛天嗰種惹味，唔會因為太多汁所以起晒，反而仲因為係小椰菜嘅關係，佢成功可以鎖住啲水份。每一啖咬落去，啲汁都必晒出嚟，非常入味，充滿驚喜！-蒜香斑斕烤羊架如果鍾意食羊嘅朋友，呢個又係一個唔可以錯過嘅菜式。雖然表面上好普通，但一上碟已經聞到好香嘅羊肉酥味，然後食落口肉質嫩滑但又帶有好強烈嘅羊味，啲肉完全唔黐骨又唔韌，絕對可以試吓！-芒果糯米飯甜筒新鮮嘅芒果配埋充滿椰
餐廳主打泰國菜式，結合西式風格烹調，互相cross-over。而且採用優雅充滿格調既裝修，再另外配合唔同特色既cocktail 飲品，無論係諗住嚟醫肚定純粹同朋友嚟chill吓，都係個好好嘅選擇～
-青咖喱（豬肉）配薄餅
因為今次小編朋友係個無辣不歡既辣朋友，所以今次揀咗偏辣嘅青咖喱。菜式咖喱味濃郁，而且應該係採用咗比較正宗嘅青咖喱，辣味亦都十足，如果係唔太識得辣嘅朋友可能就唔好試啦。但正正因為咁所以咖喱非常之惹味，用薄餅沾咖喱汁食，絕對一流！
-飛天小椰菜
一個充滿驚喜嘅菜式，菜式用咗比較多汁多水嘅形式去處理，同平時食炒飛天菜完全唔同。雖然佢好多汁，但仍然保留到飛天嗰種惹味，唔會因為太多汁所以起晒，反而仲因為係小椰菜嘅關係，佢成功可以鎖住啲水份。每一啖咬落去，啲汁都必晒出嚟，非常入味，充滿驚喜！
-蒜香斑斕烤羊架
如果鍾意食羊嘅朋友，呢個又係一個唔可以錯過嘅菜式。雖然表面上好普通，但一上碟已經聞到好香嘅羊肉酥味，然後食落口肉質嫩滑但又帶有好強烈嘅羊味，啲肉完全唔黐骨又唔韌，絕對可以試吓！
-芒果糯米飯甜筒
新鮮嘅芒果配埋充滿椰漿嘅糯米飯～係一個超級邪惡嘅甜品，但真係好鮮甜好好味，佢再加多個雪糕甜筒，脆卜卜又涼浸浸，一個好有泰式風味嘅甜品～
張貼
