Oystermine Restaurant

營業中

休息中

📍尖沙咀中港城📍🦪Oystermine🦪呢間餐廳雖然唔喺鬧市之中，但正因為咁，非常清靜舒服，唔會有好擁擠嘅感覺。裡面嘅環境同座位都非常舒適、浪漫，同愛人嚟拍拖係非常之好嘅地方。正值餐廳promote緊生蠔，買生蠔有酒送。於是就點咗18隻生蠔🦪😍，送咗一支白酒！侍應話今晚剛好有9款生蠔，每款2隻，就可以試哂來自日本、韓國、法國、南非等地嘅生蠔，各種風味同口感都可以試到，實在太幸福。而且餐廳Serve蠔嘅時候好有心機，擺盤靚之餘，仲按咗食嘅次序排。配咗五種調味料，每人食9隻都唔會感覺好重覆。太讚餐廳嘅安排同侍應嘅專業。🫶🏻食完蠔就再食啲熱食，點咗一個單骨雞翼配Blue Cheese😍。雞翼炸得非常之好食，好香口，但又唔會油膩，配Blue Cheese咁食，別有一番風味😌。主食就點咗烤大蝦墨汁海膽醬扁意粉伴三文魚籽及分子柚子珠🫶🏻，擺盤又係勁靚，而且有創意嘅分子柚子珠，好Impressed。意大利粉煮得恰度好處，外軟內煙韌，有咬口。侍應好貼心再遞上濕紙巾俾我哋食完墨汁意粉之後抹嘴！💕整體嚟講係非常享受嘅一餐💕💕👍🏻👍🏻👍🏻。