影片
更多
2021-02-20
1058 瀏覽
曾經有朋友話我食開啲特別菜系,有日忽發奇想想食偏啲,係openrice搜尋‘非洲菜’結果唔夠五間😮之後搵到係重慶大廈嘅呢間特色非洲菜小店👍🏻講起原來大有來頭,係由迦納人同香港人夫婦一齊經營嘅餐廳,另老闆選擇係度開餐廳其中一個原因係希望提供一個落腳點俾係香港住/工作嘅非洲裔人,主打非洲菜(特別係以迦納🇬🇭西非地區為主嘅菜系,認真‘西非厲’(爛gag).餐廳預訂安排等主要由香港老闆娘安排,非常貼心,入去重慶大廈之前仲特登通知話如果係門口被人圍時,講話去‘Paul’s Kitchen’啲人就會即時彈開...結果真係!!甚至會指埋俾你係邊,認真有料...😮.一開始入到去老闆娘仲問我地飲唔飲酒,之後就俾左細細杯我地,原來係嚟自迦納嘅Akpeteshie- 一種經棕櫚樹根/蔗汁蒸餾而成嘅烈酒😯,飲落少少似whiskey,但就冇咁甜同有陣好香嘅藥材味,聽老闆娘講當地迦納人真係當養命酒咁飲😮另試埋自家製($20)飲落係好重嘅薑味,肉桂同花椒八角等少少辛辣嘅口味,同一陣類似山楂嘅酸酸甜甜味道,甚具風味(所以未必個個啱🤣).🌟($250)重點推介大份好食又抵食,最啱3/4 個人share, 睇套都知有好多
.
餐廳預訂安排等主要由香港老闆娘安排,非常貼心,入去重慶大廈之前仲特登通知話如果係門口被人圍時,講話去‘Paul’s Kitchen’啲人就會即時彈開...結果真係!!甚至會指埋俾你係邊,認真有料...😮
.
55 瀏覽
0 讚好
0 留言
一開始入到去老闆娘仲問我地飲唔飲酒,之後就俾左細細杯我地,原來係嚟自迦納嘅Akpeteshie- 一種經棕櫚樹根/蔗汁蒸餾而成嘅烈酒😯,飲落少少似whiskey,但就冇咁甜同有陣好香嘅藥材味,聽老闆娘講當地迦納人真係當養命酒咁飲😮另試埋自家製[非洲涼茶]($20)飲落係好重嘅薑味,肉桂同花椒八角等少少辛辣嘅口味,同一陣類似山楂嘅酸酸甜甜味道,甚具風味(所以未必個個啱🤣)
.
67 瀏覽
1 讚好
0 留言
🌟[精選套餐A 炸非洲鰂魚餐]($250)重點推介大份好食又抵食,最啱3/4 個人share, 睇套都知有好多野以下逐樣為你介紹:
-[原條遊水炸非洲鰂魚-Tilapia],第一次食呢種魚,外皮炸至鬆脆,拆開類面魚肉鮮白色仲好滑,食時有五款醬汁,首推左二嘅自家製辣醬超好食😍有陣好似青檸清新嘅酸味同辣味,然後發覺食咩點呢個醬都好好食🤤(餐內薯條,炸雞髀🍗點呢個絕配😭)
-(左上碗)[Acheke-非洲小米,又稱木薯飯]係一種起源自西非科特迪瓦🇨🇮一道木薯制食嘅配菜,係以磨醉嘅木薯發酵而成,食落口感軟綿綿夾以青豆,洋蔥,粟米等,非常健康👍🏻
-(右上碗)[Jolloff Rice-非洲炒飯]亦係流行於西非地區,係由一大鍋飯加入了蕃茄醬,辣椒等炒成,食落少少似幾香口同偏咸味嘅西炒飯.
.
Fufu 配辣羊肉湯
60 瀏覽
0 讚好
0 留言
🌟[辣羊肉湯配Fufu]($70)另外幾推薦嘅一道地道迦納菜,Fufu係源自迦納嘅一種西非地區主食,‘Fufu’一詞解‘mash or mix’嘅意思,當地做法係將木薯加入大蕉和熱水等搓成一舊白色糊狀嘅麵團,食落少少似煙煙韌韌嘅薯蓉,口感非常特別,配以羊肉辣湯,羊肉煮至好腍,聽講傳統食法係fufu同湯分開上,用右手搓成小球狀,按下壓痕然後再舀湯飲,最後再食fufu👍🏻想食嘅最好事前同老闆娘預留啊😉
.
50 瀏覽
0 讚好
0 留言
最後叫埋幾款菲律賓甜品:
左:[Halo Halo 菲律賓雜豆冰]($50) Halo係菲律賓語‘攪拌’嘅意思,主要係將碎冰,加上各種甜豆,糖水和花奶,最後加上一球雪糕,非常色彩繽紛,配埋本身餐廳環境粉紅色為主非常有少女心opps
右:[班蘭啫喱椰青糖水]($40)正正常常配以椰果清清甜甜頓時平衡返先前比較濃味嘅主菜👍🏻
.
最後八卦一問老闆娘點解主打非洲菜同時又會有菲律賓菜,原來係因為好多非洲人有菲律賓女朋友所以餐牌上有咁樣嘅設計😛餐廳入面仲有張梳妝檯為平時菲律賓姐姐放假打扮用😯(唔係俾你用嚟打卡用🙊🤣)
.
非常有特色嘅一餐同埋非常抵食!非洲菜冇想像中咁遙不可及,同相信經過老闆調整至適合香港人嘅口味,第一次去老闆娘亦悉心為我地介紹餐牌,安排啱我地胃口嘅菜,非常有誠意嘅餐廳值得支持!
張貼
