Victorian Rose Tea Room (已結業)

今次跟朋友介紹去食牛油果大餐，初時入到去見到歌德式嘅超華麗裝修，再睇網上都係啲妹妹去high tea冇乜人食晚餐，個心諗係咪朋友玩嘢，但食完發現好驚喜✨先來兩個沙律，龍蝦肉質超鮮嫩，配牛油果同芒果粒陣果味再提鮮，而南瓜雞肉個肉好有慢煮感同樣係超軟嫩，而牛油果醬就整成果凍狀入口閘溶口感獨特，再配上檸檬欖油令成件事更開胃✨然後兩個主菜都好食到心心眼，三文魚本身貨源靚加上個廚都有啲功架，煎到外皮好香煎同時內裏肉質又嫩滑juicy，加埋陣魚油香真係不得了，同時牛油果同芒果再添夏日嘅清新感；而意粉都唔弱，個牛油果青醬超香口食到停唔到，而五隻大蝦煎過帶微焦香肉質亦彈牙冇霉味✨不過嘢飲方面就有點少貴的，大約近七十蚊杯，不過都係有心思唔係hea你，奶昔都係用生果鮮打，香蕉牛油果其實就以香蕉味做主導唔太覺有牛油果，都幾飽肚同易膩，還好有啲士多啤梨同藍莓中和返，另一個維多利亞公主就好高質，其實係士多啤梨乳酪奶昔，飲得出實係用士多啤梨打出嚟再溝乳酪，陣草莓味好新鮮好真實，微酸嘅乳酪都令成杯嘢冇咁膩，唔錯✨最後店家仲送咗兩款甜品，係tea set嘅最新試作品，一款係楊枝甘露，作為少數我鐘意飲嘅中式糖水我一定滿