MAMTOM

今日同阿仔去尖沙咀買聖誕禮物，見到海旁呢間MAMTOM，主打各款越式料理。Pho Bo Wagyu：湯底用慢煮方式，加左芫茜、香蔥、紫洋蔥等香料，熬足24小時，牛骨味道芳香濃郁，非常清甜，米粉質地滑溜，唔會太易碎開，配上和牛，肉質鮮嫩軟腍，食越南菜必點。Grilled NY Striploin：紐西蘭西冷牛扒，烤得香氣四溢，我哋叫左五成熟，內裡肉質呈粉紅色，肉質鮮嫩無比。DIY：這個由客人自由配搭既米紙卷，店員推介我哋將牛扒放入生菜和米紙一齊包住嚟食，沾上餐廳特色醬汁，感覺好特別。Morning Glory：通菜炒得好夠鑊氣，加左越式蝦醬、蒜蓉、辣椒，口感份外惹味。Durian Sticky Rice & Coconut Sundae：榴槤糯米飯及椰子雪糕，榴槤肉入口滑溜，椰子雪糕香甜，糯米飯煙韌，讓人難以抗拒。Coconut Smoothie：椰子奶昔，味道濃郁，香甜幼滑。Vasilia：杯邊加左少許鹽，飲落酸酸甜甜，清爽感覺衝擊味蕾。總括來說，餐廳食物有質素，地段優越，對住個維多利亞海景食飯，絕對係物超所值。