霞飛點心拉麵 (已結業)

星期五食飯係尖沙嘴周圍都多人，「霞飛」亦都唔例外。今次人數三位，我見其中一位朋友未到，咁我就令定飛等叫入去啦...點知位朋友遲左成半個鐘，咁諗住等得半個鐘應該差唔多...一走去問，侍應既回答係咁：「哦！人到齊啦，咁可以開始等架啦」我心諗..原來等咁耐係唔關事..早知等齊先令飛啦。但等左十零分鐘都入得。「鮮肉生煎饅頭」 普普通通，唔夠香口，鮮肉亦係小籠包個隻「小籠包」 推介！湯好鮮味，唯一唔好既係叫左兩籠，一籠平均有一隻係穿左會留曬d湯「回鍋肉炒年糕」 朋友對這菜式不太喜歡，味道較濃，但我接受到「樟茶鴨」 有部份皮係脆，有小小似乳豬個種。另外會再俾包可以將鴨夾入包食，再放一隻醬(醬類似北京填鴨個隻)整體滿意，畢竟食過好幾次，尖沙嘴地段這價錢味道環境算不錯。